ദിലീപിന്റെയും കാവ്യയുടെയും മകളായ മഹാലക്ഷ്മിയുടെ ചിത്രങ്ങളും വീഡിയോയുമെല്ലാം സോഷ്യല് മീഡിയയില് വൈറലാകാറുണ്ട്. മഹാലക്ഷ്മി കുസൃതിക്കാരിയാണെന്ന് പറയുകയാണ് ദിലീപ്. താന് ഏതു വേഷത്തില് ചെന്നാലും മഹാലക്ഷ്മിക്ക് മനസിലാകും എന്നാണ് ദിലീപ് പറയുന്നത്.
ഇപ്പോള് അവള്ക്ക് മൂന്നു വയസ് ആവുന്നതേയുള്ളൂ. ഭയങ്കര കുസൃതിക്കാരിയാണ്. യാത്ര ചെയ്യാന് ഭയങ്കര ഇഷ്ടമാണ്. ആര് ട്രാവല് ചെയ്യാന് പോയാലും ഉടനെ വണ്ടിയില് കയറും. അവള്ക്കൊരു ബാഗുണ്ട്. ഒരു ദിവസം ഉടുപ്പ് പോലും ഇടാതെ ‘അച്ഛാ പോകല്ലേ അച്ഛാ പോകല്ലേ’ എന്നു വിളിച്ചു വരുന്നുണ്ടായിരുന്നു.
താന് മൈന്ഡ് ചെയ്യാതെ പോയപ്പോള് ‘അച്ഛാ പോകല്ലേ, എടാ കള്ളാ പോകല്ലേ’ എന്നു വിളിച്ചു. താനത് കേട്ടപ്പോള് ചിരിച്ചു പോയി. യൂട്യൂബില് കുട്ടികള്ക്കുള്ള വീഡിയോകളൊക്കെ അവള് കാണാറുണ്ട്. അതില് നിന്നും കിട്ടുന്ന വാക്കുകളാണ് ഇതൊക്കെ എന്നാണ് ദിലീപ് പറഞ്ഞു.
ചാനല് കേരളയ്ക്ക് നല്കിയ അഭിമുഖത്തിലാണ് ദിലീപ് സംസാരിച്ചത്. കേശുവിലെ ദിലീപിനെ കണ്ടപ്പോള് മഹാലക്ഷ്മിക്ക് മനസിലായോ എന്ന ചോദ്യത്തിന് താന് ഏതു വേഷത്തില് ചെന്നാലും അവള്ക്കു മനസിലാവും എന്നാണ് ദിലീപ് പറയുന്നത്.
കേശു സിനിമയുടെ ട്രെയിലറൊക്കെ കാണിച്ചു കൊടുത്തിരുന്നു. അതാരാണെന്ന് ചോദിക്കുമ്പോള് അച്ഛന് എന്നു പറയും. അതിലെ നാരങ്ങ മിഠായി എന്ന പാട്ട് അവള്ക്ക് ഇഷ്ടമാണ്. ഇടയ്ക്ക് ഇടയ്ക്ക് നാരങ്ങ മിഠായി കാണിച്ചു തരാന് പറഞ്ഞു വരുമെന്നും ദിലീപ് പറഞ്ഞു.