എംടി വാസുദേവന് നായരുടെ കഥയില് പ്രിയദര്ശന് ഒരുക്കുന്ന ചിത്രത്തില് ബിജു മേനോന് നായകനാകുന്നു. എംടിയുടെ ആറ് കഥകള് കോര്ത്തിണക്കിയ ആന്തോളജി ചിത്രത്തില് പ്രിയദര്ശന് സംവിധാനം ചെയ്യുന്ന ഭാഗത്തിലാണ് ബിജു മേനോന് നായകന് ആകുന്നത്.
എംടിയുടെ ‘ശിലാഖിതം’ എന്ന കഥയാണ് പ്രിയദര്ശന് സംവിധാനം ചെയ്യുന്നത്. മറ്റ് അഞ്ച് കഥകളും മലയാളത്തിലെ പ്രമുഖ സംവിധായകരാണ് സിനിമയാക്കുന്നത്. കോവിഡ് നിയന്ത്രണങ്ങള് മാറിയാല് ആന്തോളജിയുടെ ചിത്രീകരണം ആരംഭിക്കുമെന്നും ബിജു മേനോന് പറഞ്ഞു.
എംടി സാര്, പ്രിയദര്ശന് എന്ന് പറയുന്നത് ഏതൊരാളും കൊതിക്കുന്ന ഒരു കാര്യമാണ്. പ്രത്യേകിച്ച് ജീവിതത്തില് ഒരിക്കലെങ്കിലും എംടി സാറിന്റെ കഥയുടെ ഒരു ഭാഗമാവുക എന്നത് വലിയ കാര്യമാണ്. പ്രിയന് ചേട്ടന് സിനിമകള് കണ്ട് ഒരുപാട് ചിരിക്കുകയും ആസ്വദിക്കുകയും ചെയ്തിട്ടുള്ള വ്യക്തിയാണ് താന്.
പക്ഷെ ഇത് വരെ അദ്ദേഹത്തിനൊപ്പം ഒരു സിനിമ ചെയ്യാന് സാധിച്ചിട്ടില്ല. അത് അവസാനം എംടി സാറുമൊത്ത് സംഭവിക്കുകയാണ്. അത് വലിയൊരു സന്തോഷം തന്നെയാണ് എന്ന് ബിജു മേനോന് കാന് ചാനല് മീഡിയക്ക് നല്കിയ അഭിമുഖത്തില് പറഞ്ഞു.