നിവിന്‍ പോളി ചിരിപ്പിച്ച് ഡയലോഗ് തെറ്റിക്കാറുണ്ടെന്ന് നടന്‍ അജു വര്‍ഗീസ്. ‘സാറ്റര്‍ഡേ നൈറ്റ്‌സ്’ ചിത്രത്തിന്റെ പ്രമോഷനുമായി ബന്ധപ്പെട്ട അഭിമുഖത്തിലാണ് നിവിനെ ട്രോളി കൊണ്ട് അജു എത്തിയത്. ‘ലവ് ആക്ഷന്‍ ഡ്രാമ’ സിനിമാ സെറ്റിലെ അനുഭവവും അജു വര്‍ഗീസ് പങ്കുവച്ചു.
സാറ്റര്‍ഡേ നൈറ്റ്‌സിന്റെ സെറ്റില്‍ നിവിനൊപ്പം താന്‍ വളരെ കംഫര്‍ട്ടബിള്‍ ആയിരുന്നുവെന്ന് നടി മാളവിക ശ്രീനാഥ് പറഞ്ഞിരുന്നു. ഇതിന് ആളുകളെ തമാശകളും കളിയാക്കലുമായി കംഫര്‍ട്ടബിള്‍ ആക്കണം എന്നായിരുന്നു നിവിന്റെ മറുപടി. ഇതിനെയാണ് അജു ട്രോളിയത്.
‘നിവിന്‍ എത്രപേരെ ചിരിപ്പിച്ച് ഡയലോഗ് തെറ്റിച്ചിട്ടുള്ള ആള്‍ ആണ്. ലവ് ആക്ഷന്‍ ഡ്രാമ സെറ്റില്‍ നയന്‍താരയെ നിന്ന് ചിരിപ്പിക്കുന്നുണ്ടായിരുന്നു, ഒന്ന് കംഫര്‍ട്ടബിള്‍ ആക്കണമല്ലോ’ എന്നായിരുന്നു നിവിനെ ട്രോളി അജു വര്‍ഗീസ് പറഞ്ഞത്.
അതേസമയം, റോഷന്‍ ആന്‍ഡ്രൂസിന്റെ സംവിധാനത്തില്‍ ഒരുങ്ങുന്ന സാറ്റര്‍ഡേ നൈറ്റ്‌സ് ഒക്ടോബര്‍ 7ന് റിലീസ് ചെയ്യുന്നത്. നിവിനും അജുവിനും ഒപ്പം സിജു വില്‍സണ്‍, സാനിയ അയ്യപ്പന്‍, ഗ്രേസ് ആന്റണി എന്നിവരാണ് ചിത്രത്തില്‍ പ്രധാന കഥാപാത്രങ്ങളാകുന്നത്.