പൃഥ്വിരാജിന്റെ ശബ്ദം ഇഷ്ടമാണെന്ന് നടന് പ്രഭാസ്. തന്റെ പുതിയ സിനിമയായ സലാറിനെ കുറിച്ച് പറയവെയാണ് പ്രഭാസിന്റെ പരാമര്ശം. സലാറിന്റെ തുടക്കത്തിലും അവസാനത്തിലും കേള്ക്കുന്നത് പൃഥ്വിരാജിന്റെ ശബ്ദമാണെന്ന് പ്രഭാസ് പറയുന്നു.
”പൃഥ്വിരാജിന്റെ ശബ്ദം എനിക്ക് ഇഷ്ടമാണ്. സിനിമയുടെ തുടക്കത്തിലും അവസാനത്തിലും കേള്ക്കുന്നത് പൃഥ്വിരാജിന്റെ ശബ്ദമാണ്. അത് കേള്ക്കാന് തന്നെ നല്ല രസമാണ്. സിനിമയുടെ തുടക്കത്തിലുള്ള നറേഷനിലൂടെ ഓഡിയന്സിന് കഥയെ പെട്ടെന്ന് കണക്ട് ചെയ്യാന് സാധിക്കും” എന്നാണ പ്രഭാസ് പറയുന്നത്.
മലയാളത്തില് പ്രേമം എന്ന ചിത്രമാണ് ഏറ്റവും കൂടുതല് തവണ കണ്ടതെന്നും മലയാളത്തില് അങ്ങനെ ഇഷ്ടപ്പെട്ട സംവിധായകന് എന്നൊന്നില്ലെന്നും പ്രഭാസ് പറയുന്നു. അതേസമയം, കെജിഎഫിന് ശേഷം സംവിധായകന് പ്രശാന്ത് നീല് സംവിധാനം ചെയ്യുന്ന ചിത്രമാണ് സലാര്.
ശ്രുതി ഹാസനാണ് ചിത്രത്തില് നായിക. പ്രഭാസിനൊപ്പം ആദ്യമായാണ് ശ്രുതി അഭിനയിക്കുന്നത്. മധു ഗുരുസ്വാമിയാണ് പ്രതിനായക വേഷത്തില് എത്തുന്നത്. കെജിഎഫിന്റെ നിര്മ്മാതാക്കളായ ഹൊംബാളെ ഫിലിംസ് ആണ് സലാറിന്റയും നിര്മ്മാണം.