സീമ ജി. നായരുമായുള്ള സൗഹൃദത്തെ കുറിച്ചും, നടിയുടെ ചാരിറ്റി പ്രവര്ത്തനങ്ങളെ കുറിച്ചും സംസാരിച്ച് സീരിയല് താരം മനോജ് നായര്. ‘സീമ ജി നായര്ക്ക് അധോലോക ചാരിറ്റി, മദര് തെരേസ’ എന്ന ക്യാപഷനോടെ പങ്കുവച്ച വിഡിയോയിലാണ് മനോജ് സംസാരിച്ചത്. കഴിഞ്ഞ ദിവസം ഒരു സുഹൃത്ത് വിളിച്ചപ്പോള് സീമ ജി നായരെക്കുറിച്ച് ചോദിച്ചിരുന്നു എന്ന് പറഞ്ഞാണ് മനോജ് വിഡിയോ ആരംഭിക്കുന്നത്.
സീമയുടെ സാമ്പത്തിക ഇടപാടുകളെ കുറിച്ചും, അധോലോക ബന്ധമുണ്ടെന്നൊക്കെ കേട്ടതിനെ കുറിച്ചായിരുന്നു സുഹൃത്ത് പറഞ്ഞത്. എന്ത് പോസിറ്റീവ് കണ്ടാലും ആളുകള് നെഗറ്റീവ് പറയാറില്ലേ, തനിക്ക് അറിയാവുന്ന സീമയ്ക്ക് അത്തരത്തിലൊരു ബന്ധവുമില്ല. ഒരു അധോലോകവുമില്ല, അവരുടെ മനസ്സ് അങ്ങനെയാണ്. ആരുടെയെങ്കിലും വേദന കണ്ടാല് സ്വന്തം വേദന പോലെ കരുതുന്നയാളാണ്.
സീമയുടെ കാര്യം തനിക്ക് വ്യക്തമായി അറിയം, അവര്ക്ക് ഇല്ലീഗല് കണക്ഷന്സൊന്നുമില്ല. സീമ വളരെ സ്ട്രെയിറ്റ്് ഫോര്വേഡാണ്. സീമയുടെ കാര്യങ്ങളും അങ്ങനെ തന്നെയാണ് സുതാര്യമാണ്. ചാറ്റ് ചെയ്യുന്നതിനിടെ സീമയോട് ഇതേ കുറിച്ച് പറഞ്ഞിരുന്നു. ഇതിനോട് സീമ പ്രതികരിച്ചത് ഇങ്ങനെയാണ്. ”ഇതില് എനിക്ക് വലിയ അത്ഭുതമൊന്നുമില്ല മനു, എന്റടുത്ത് ഒന്ന് രണ്ട് പേര് പറഞ്ഞിട്ടുണ്ട്.”
”പിന്നെ തൃശ്ശൂര് എനിക്ക് നേരിലറിയാവുന്ന ഒരാള് പോലും ഒരു ആര്ട്ടിസ്റ്റിനോട് എന്നെ കുറിച്ച് അങ്ങനെ പറഞ്ഞു. സീമയ്ക്ക് സാമ്പത്തികമായി എന്തോ ഉഡായിപ്പുണ്ട്, ആദ്യം കേട്ടപ്പോള് എനിക്ക് വിഷമം തോന്നിയിരുന്നു. ആളുകള് എന്തെങ്കിലും ഇതൊന്നും ഞാന് മൈന്ഡ് ചെയ്യാറില്ല. ഞാന് എന്റെ കാര്യങ്ങളുമായി മുന്നോട്ട് പോവുകയാണ്.”
”എന്റെ കാര്യത്തില് എന്തെങ്കിലും ക്രമക്കേടുകളോ മറ്റോ ഉണ്ടെങ്കില് ആര്ക്ക് വേണമെങ്കിലും പരിശോധിക്കാം. എനിക്ക് ദൈവത്തെ മാത്രമേ എല്ലാം ബോധിപ്പിക്കേണ്ടതുള്ളൂ” എന്നാണ് സീമ പറഞ്ഞത് എന്നും മനോജ് പറയുന്നു. സീമയ്ക്ക് പണ്ട് താന് മദര് തെരേസ എന്ന് പേരിട്ടിരുന്നു. പാവങ്ങളുടെ മദര് തെരേസ. അത് കേള്ക്കുമ്പോള് സീമ ചിരിക്കുമെന്നും മനോജ് പറയുന്നു.