യു.കെയിലെ വിദ്യാഭ്യാസ അവസരങ്ങൾക്കും സാംസ്‌കാരിക ബന്ധങ്ങൾക്കുമുള്ള അന്താരാഷ്ട്ര സംഘടനയായ ബ്രിട്ടീഷ് കൗൺസിൽ, യുകെ സർവകലാശാലകളുമായി സഹകരിച്ച്, സ്റ്റെം പ്രോഗ്രാമിൽ സ്ത്രീകൾക്കായി ബ്രിട്ടീഷ് കൗൺസിൽ സ്‌കോളർഷിപ്പുകൾ പ്രഖ്യാപിച്ചു. യുകെയിൽ ബിരുദാനന്തര ബിരുദം നേടാനാഗ്രഹിക്കുന്ന വനിതാ ബിരുദധാരികൾക്കായി രൂപകൽപ്പന ചെയ്ത സ്‌കോളർഷിപ്പാണിത്.
25 സ്‌കോളർഷിപ്പുകൾ ഇന്ത്യയിൽ നിന്നും മറ്റ് ദക്ഷിണേഷ്യൻ രാജ്യങ്ങളിൽ നിന്നുമുള്ള സ്റ്റെം സ്‌കോളർമാർക്കായി നീക്കിവച്ചിരിക്കുന്നു. ക്വീൻ മേരി യൂണിവേഴ്‌സിറ്റി ഓഫ് ലണ്ടൻ, ആംഗ്ലിയ റസ്‌കിൻ യൂണിവേഴ്‌സിറ്റി, ഗ്രീൻവിച്ച് യൂണിവേഴ്‌സിറ്റി, ദി സതാംപ്ടൺ യൂണിവേഴ്‌സിറ്റി, കവെൻട്രി യൂണിവേഴ്‌സിറ്റി എന്നിങ്ങനെ അഞ്ച് യുകെ ഉന്നത വിദ്യാഭ്യാസ സ്ഥാപനങ്ങളിൽ സ്‌കോളർഷിപ്പ് ലഭ്യമാകും. സ്‌കോളർഷിപ്പുകൾ ഗുണഭോക്താക്കൾക്ക് സ്റ്റെമ്മിൽ അവരുടെ കരിയർ മുന്നോട്ട് കൊണ്ടുപോകാനും യുകെയിലെ പ്രശസ്തമായ സ്റ്റെം ഫീൽഡുകളുടെ വൈദഗ്ധ്യത്തിൽ മുഴുകി അവരുടെ മാതൃരാജ്യത്ത് ഗവേഷണവും നവീകരണവും നടത്താനുള്ള അവസരം ലഭ്യമാകും. ഗവേഷണത്തിൽ യുകെ നിലവിൽ ലോകത്ത് മൂന്നാം സ്ഥാനത്താണ്.
ട്യൂഷൻ ഫീസ്, സ്‌റ്റൈപ്പൻഡ്, യാത്രാ ചെലവുകൾ, വിസ, ആരോഗ്യ പരിരക്ഷാ ഫീസ്, ഇംഗ്ലീഷ് ഭാഷാ പിന്തുണ എന്നിവ സ്‌കോളർഷിപ്പിൽ ഉൾപ്പെടും. ഡാറ്റ സയൻസ്, കമ്പ്യൂട്ടർ സയൻസ്, ഫാർമസ്യൂട്ടിക്കൽ സയൻസ്, ഇലക്ട്രോണിക് ആൻഡ് ഇലക്ട്രിക്കൽ എഞ്ചിനീയറിംഗ്, മെക്കാനിക്കൽ എഞ്ചിനീയറിംഗ്, എഞ്ചിനീയറിംഗ് മാനേജ്‌മെന്റ്, സിവിൽ എഞ്ചിനീയറിംഗ് മാനേജ്‌മെന്റ്, ഇന്റലിജന്റ് ഹെൽത്ത് കെയർ, ആക്ച്വറിയൽ സയൻസ് തുടങ്ങിയ കോഴ്‌സുകൾ പഠിക്കാൻ കഴിയും.
സ്റ്റെം ഫീൽഡുകളിലെ സ്ത്രീകളുടെ സാന്നിധ്യം വൈവിധ്യം പ്രോത്സാഹിപ്പിക്കുന്നതിനും പുതിയ കാഴ്ചപ്പാടുകൾ സൃഷ്ടിക്കാനും നവീകരണത്തിലേക്ക് നയിക്കുന്നതിനും അത്യന്താപേക്ഷിതമാണ്. വേൾഡ് ഇക്കണോമിക് ഫോറത്തിന്റെ ഗ്ലോബൽ ജെൻഡർ ഗ്യാപ്പ് റിപ്പോർട്ട് 2023 അനുസരിച്ച്, ഇന്ത്യയിലെ സ്റ്റെം തൊഴിൽശക്തിയിൽ 27% സ്ത്രീകളാണ്. ഇന്ത്യയിലെ സ്റ്റെം ബിരുദധാരികളിൽ 43% സ്ത്രീകളാണെന്നത് കണക്കിലെടുക്കുമ്പോൾ ഇത് താരതമ്യേന വളരെ കുറവാണ്.
2020 മുതൽ, 300 ലധികം സ്‌കോളർഷിപ്പുകൾ ഇതിനോടകം നൽകി. 2023-24 ആഗോള കൂട്ടായ്മകളിൽ, 92 സ്‌കോളർമാർ അവരുടെ തിരഞ്ഞെടുത്ത കോഴ്‌സുകളിൽ എന്റോൾ ചെയ്തു. ഇതുവരെ, 52 ഇന്ത്യൻ വനിതകൾക്ക് സ്‌കോളർഷിപ്പ് ലഭിക്കുകയും യുകെയിൽ ഒരു വർഷത്തെ ബിരുദാനന്തര ബിരുദം നേടുകയും ചെയ്തിട്ടുണ്ട്. ഈ സ്‌കോളർഷിപ്പുകളിലൂടെ, ആഗോളവൽകൃത ലോകത്ത് സ്ത്രീകൾക്ക് വിജയിക്കാനും സ്റ്റെം ഫീൽഡുകളിൽ ആഗോള യോഗ്യത നേടാനും അവസരങ്ങൾ സൃഷ്ടിക്കുന്നതിനുള്ള പ്രതിബദ്ധത ബ്രിട്ടീഷ് കൗൺസിൽ നിലനിർത്തുന്നു.
അപേക്ഷാ സമയപരിധി സാധാരണയായി 2024 മാർച്ച് മുതൽ ഏപ്രിൽ വരെയാണെങ്കിലും സർവ്വകലാശാലകളെ ആശ്രയിച്ച് ഓരോന്നും വ്യത്യാസപ്പെടും. കൂടുതൽ വിവരങ്ങൾക്കും യോഗ്യതയെ സംബന്ധിച്ച് കൂടുതൽ അറിയാനും സർവകലാശാലകളെ കുറിച്ചും കൊഴ്‌സുകളെക്കുറിച്ചും അപേക്ഷ തീയതി സംബന്ധിച്ചും അറിയാനും സന്ദർശിക്കുക.