നിലവിലെ XUV700 5 സീറ്റര്, 7 സീറ്റര് ഓപ്ഷനുകളെ കൂടാതെ 6 സീറ്റര് പതിപ്പ് ഇറക്കാന് ഒരുങ്ങുകയാണ് മഹീന്ദ്ര. ഒരു 6 സീറ്റര് വേരിയന്റ് കൂടി സ്പോര്ട്സ് യൂട്ടിലിറ്റി മോഡലിലേക്ക് എത്തുന്നുവെന്നാണ് പുതിയ റിപ്പോര്ട്ടുകള്.മഹീന്ദ്ര XUV700 എസ്യുവിയുടെ 7 സീറ്റര് മോഡല് രണ്ടാമത്തെയും മൂന്നാമത്തെയും നിരയില് ബെഞ്ച്-ടൈപ്പ് സീറ്റുകളാണുള്ളത്. എന്നാല് മധ്യനിരയില് ക്യാപ്റ്റന് സീറ്റുമായാണ് പുതിയ 6 സീറ്റര് പതിപ്പ് വില്പ്പനയ്ക്ക് എത്തുക.
മഹീന്ദ്ര അടുത്തിടെ പുറത്തിറക്കിയ XUV700 ഇന്ത്യയിലെ മിഡ്-സൈസ് എസ്യുവി സെഗ്മെന്റില് ഏറ്റവും കൂടുതല് തിരയുന്ന വാഹനമാണ്. വിപണിയിലെത്തി വെറും രണ്ട് ദിവസത്തിനുള്ളില് 75,000 ബുക്കിംഗുകള് നേടി കുതിക്കുന്ന വാഹനത്തിന് 19 ആഴ്ച്ച വരെ കാത്തിരിപ്പ് കാലയളവ് ഉണ്ടെന്നാണ് റിപ്പോര്ട്ടുകള് സൂചിപ്പിക്കുന്നത്. നിലവില് 5 സീറ്റര്, 7 സീറ്റര് ഓപ്ഷനുകളിലാണ് മഹീന്ദ്രയുടെ പുത്തന് വാഹനം അവതരിപ്പിച്ചിരിക്കുന്നത്. വാഹനത്തിന്റെ പുതിയ രൂപമാറ്റത്തോടുകൂടിയുള്ള ചിത്രം സോഷ്യല് മീഡിയയില് ഇപ്പോള് സജീവമാണ്.
രണ്ടാം നിര ക്യാപ്റ്റന് സീറ്റുകള്ക്ക് സെല്ഫ് ആംറെസ്റ്റുകളുണ്ടെന്നും ഈ ചിത്രങ്ങളില് നിന്നും വ്യക്തം. സീറ്റുകളില് ഹെഡ്റെസ്റ്റുകളുമുണ്ട്.അവ ക്രമീകരിക്കാനുള്ള സംവിധാനവും ഉള്പ്പെടുന്നു.നിലവില് മഹീന്ദ്ര XUV700 MX, AX3, AX5, AX7 എന്നിങ്ങനെ നാല് വേരിയന്റ് ലെവലുകളില് ലഭ്യമാണ്. എസ്യുവിയുടെ പെട്രോള് പതിപ്പിന് 12.49 ലക്ഷം മുതല് 21.29 ലക്ഷം രൂപ വരെയാണ് ഇന്ത്യയിലെ എക്സ്ഷോറൂം വില. അതേസമയം ഡീസല് മോഡലിന്റെ ബേസ് MX വേരിയന്റിന് 12.99 ലക്ഷം രൂപയും ടോപ്പ് എന്ഡ് വേരിയന്റിന് 22.99 ലക്ഷം രൂപയുമാണ് എക്സ്ഷോറൂം വില.
പുതിയ മഹീന്ദ്ര XUV700 രണ്ട് എഞ്ചിന് ഓപ്ഷനുകളിലാണ് വാഗ്ദാനം ചെയ്യുന്നത്. അതില് 2.2 ലിറ്റര് 4 സിലിണ്ടര് ടര്ബോചാര്ജ്ഡ് ഡീസലും 2.0 ലിറ്റര് 4 സിലിണ്ടര് ടര്ബോ പെട്രോളും ഉപഭോക്താക്കള്ക്ക് യഥേഷ്ടം തെരഞ്ഞെടുക്കാം.എസ്യുവിയുടെ പെട്രോള് എഞ്ചിന് പരമാവധി 200 ബിഎച്ച്പി കരുത്തില് 380 എഎം ടോര്ക്ക് ഉത്പാദിപ്പിക്കാന് ശേഷിയുള്ളതാണ്. അതേസമയം ഡീസല് എഞ്ചിന് രണ്ട് വ്യത്യസ്ത ട്യൂണിംഗിലാണ് നിരത്തിലെത്തുന്നത്. MX പതിപ്പിന് 155 ബിഎച്ച്പിയും 360 എന്എം ടോര്ക്കും AX വേരിയന്റില് 185 ബിഎച്ച്പി കരുത്തും 420 എന് എം ടോര്ക്കും, ഓട്ടോമാറ്റിക് മോഡലിന് 450 എന് എം ടോര്ക്കുമാണുള്ളത് .
മഹീന്ദ്ര XUV700 എസ്യുവിയുടെ ഗിയര്ബോക്സ് ഓപ്ഷനുകളില് 6 സ്പീഡ് മാനുവല്, 6 സ്പീഡ് ടോര്ഖ് കണ്വെര്ട്ടര് ഓട്ടോമാറ്റിക് എന്നിവ ഉള്പ്പെടുന്നു. ഡീസല് എഞ്ചിന് സിപ്പ്, സാപ്പ്, സൂം, കസ്റ്റം എന്നീ നാല് ഡ്രൈവിംഗ് മോഡുകളും വാഗ്ദാനം ചെയ്യുന്നുണ്ട്. കൂടാതെ ഡീസല് ടോപ്പ് എന്ഡ് വേരിയന്റില് ഓള്വീല് ഡ്രൈവ് ഓപ്ഷനും തെരഞ്ഞെടുക്കാന് സാധിക്കും. ഇലക്ട്രോണിക് പാര്ക്കിംഗ് ബ്രേക്ക്, ഹില് ഹോള്ഡ്, ഓട്ടോമാറ്റിക് ക്ലൈമറ്റ് കണ്ട്രോള്, വലിയ പനോരമിക് സണ്റൂഫ്, മള്ട്ടിപ്പിള് ഡ്രൈവ് മോഡുകള്, 6-വേ അഡ്ജസ്റ്റ് ചെയ്യാവുന്ന പവര്ഡ് സീറ്റ്, 18 ഇഞ്ച് ഡയമണ്ട് കട്ട് അലോയ് വീലുകള്, ഡ്രൈവര് ഡ്രോസിനസ് അലേര്ട്ട് സിസ്റ്റം, ബില്റ്റ്-ഇന് അലക്സാ എന്നീ സവിശേഷതകളെല്ലാം ഈ വാഹനത്തിനുണ്ട്.