ട്വന്റി20 ലോക കപ്പിനുശേഷം ഇന്ത്യന്‍ ക്രിക്കറ്റ് ടീമിന്റെ നായകസ്ഥാനത്ത് ഇളക്കി പ്രതിഷ്ഠയുണ്ടാവുമെന്ന റിപ്പോര്‍ട്ടുകളാണ് പുറത്തുവരുന്നത്. എന്നാല്‍ ഇതു സംബന്ധിച്ച വാര്‍ത്തകളോട് പ്രതികരിച്ച ബിസിസിഐ പ്രതിനിധികള്‍ കോഹ്ലി ക്യാപ്റ്റനായി തുടരുമെന്ന് തറപ്പിച്ചുപറയുന്നു. പക്ഷേ, ലോക കപ്പ് വേളയില്‍ ടീമിന്റെ ഐക്യത്തെയും കെട്ടുറപ്പിനെയും ബാധിക്കാതിരിക്കാനാണ് കോഹ്ലിയെ നിലനിര്‍ത്തുമെന്ന പ്രതീതി ബിസിസിഐ സൃഷ്ടിക്കുന്നതെന്ന് ക്രിക്കറ്റ് വൃത്തങ്ങള്‍ പറയുന്നു.