ചരിത്രം നേട്ടത്തിൽ വൈഭവ്; അന്താരാഷ്ട്ര ടി20 ക്രിക്കറ്റില് അര്ധ സെഞ്ചുറി പൂര്ത്തിയാക്കുന്ന ഏറ്റവും പ്രായം കുറഞ്ഞ താരം
അന്താരാഷ്ട്ര ടി20 ക്രിക്കറ്റില് അര്ധ സെഞ്ചുറി പൂര്ത്തിയാക്കുന്ന ഏറ്റവും പ്രായം കുറഞ്ഞ താരമായി വൈഭവ് സൂര്യവംശി. സൂര്യവംശി സിംബാബ്വെക്കെതിരെ ആദ്യ ടി20 മത്സരത്തില് 18 പന്തില് അര്ധ സെഞ്ചുറി പൂര്ത്തിയാക്കി. നാല് വീതം സിക്സും ഫോറും ഉള്പ്പെടുന്നതായിരുന്നു വൈഭവിന്റെ ഇന്നിംഗ്സ്.
15 വര്ഷവും 118 ദിവസവുമാണ് വൈഭവിന്റെ പ്രായം. ഐസിസി മുഴുവന് അംഗത്വമുള്ള ടീമുകളെ എടുത്താല്, അഫ്ഗാനിസ്ഥാന് താരം റഹ്മാനുള്ള ഗുര്ബാസിന്റെ പേരിലായിരുന്നു റെക്കോഡ്. 2019ല് സിംബാബ്വെക്കെതിരെ ഗുര്ബാസ് അര്ധ സെഞ്ചുറി പൂര്ത്തിയാക്കുമ്പോള് 17 വര്ഷവും 296 ദിവസവുമായിരുന്നു പ്രായം. ഈ റെക്കോർഡാണ് വൈഭവ് സ്വന്തം പേരിലാക്കിയത്.
വൈഭവിന്റെ വെടിക്കെട്ട് ഫിഫ്റ്റിയുടെ ബലത്തിൽ സിംബാബ്വെക്കെതിരായ ആദ്യ ടി 20 യിൽ ഏഴ് വിക്കറ്റിന്റെ തകർപ്പൻ ജയവുമായി ഇന്ത്യ. സിംബാബ്വെ ഉയർത്തിയ 126 റൺസ് വിജയലക്ഷ്യം മൂന്ന് വിക്കറ്റ് നഷ്ടത്തിൽ 40 പന്തുകൾ ബാക്കി നിൽക്കെ ഇന്ത്യ മറികടന്നു. ശ്രേയസ് അയ്യരുടെ ക്യാപ്റ്റൻസിയിൽ ഇന്ത്യയുടെ ആദ്യ വിജയം കൂടിയാണിത്.
കാര്യങ്ങൾ കൈവിട്ടു പോകുന്നു; സന്നാഹ മത്സരത്തിൽ ശ്രീലങ്കയ്ക്കെതിരെ നിലയുറപ്പിക്കാനാകാതെ ഇന്ത്യ
‘രോഹിതിന്റെ സെഞ്ചുറി എല്ലാ പദ്ധതികളും തകർത്തു’; അഗാർക്കറിന്റെ പദ്ധതി ഫ്ലോപ്പായത് ഇങ്ങനെ
