ഉപതെരഞ്ഞെടുപ്പില്‍ ഇടതുപക്ഷം ഉറപ്പിച്ച സീറ്റുകളിലൊന്നായിരുന്നു അരൂര്‍ മണ്ഡലത്തിലേത്. എന്നാല് ഇടതുപക്ഷ സ്ഥാനാര്‍ത്ഥി മനു സി പുളിക്കന്‍ നില നിര്‍ത്തിയ ലീഡ് മറികടന്ന് യുഡിഎഫ് സ്ഥാനാര്‍ത്ഥി ഷാനിമോള്‍ ഉസ്മാന്‍ മുന്നിലേക്ക്. 2463 വോട്ടുകള്‍ക്കാണ് ഷാനിമോള്‍ മുന്നിലെത്തിയത്. ഇടതുപക്ഷത്തിന്റെ ശക്തമായ കേന്ദ്രങ്ങളില്പ്പോലും ഷാനിമോള്‍ ഉസ്മാനാണ് മുന്നില്. ഇതോടെ അഞ്ചിടങ്ങളില്‍ മൂന്നിടത്ത് യുഡിഎഫിന് മേല്‍ക്കൈ ആയി.അതേസമയം വട്ടിയൂര്‍കാവിലും കോന്നിയിലും എല്‍ഡിഎഫിനാണ് മുന്‍തൂക്കം.
Read more
വട്ടിയൂര്‍കാവില്‍ ഇടതു സ്ഥാനാര്‍ത്ഥി പി പ്രശാന്തിന്റെ ലീഡ് കൂടുകയാണ്. നിലവില്‍ വിവരം കിട്ടുമ്പോള്‍ പി പ്രശാന്തിന്റെ ലീഡ് 7325 ആയി കൂടി. മഞ്ചേശ്വരത്ത് യുഡിഎഫ് പ്രതീക്ഷ തെറ്റിക്കുന്നില്ല. മുസ്ലീംലീഗ് സ്ഥാനാര്‍ത്ഥി എം.സി. കമറുദ്ദീന്‍ 3401 വോട്ടുകള്‍ക്ക് മുന്നിലാണ്. ബിജെപി സ്ഥാനാര്‍ത്ഥി രവീശതന്ത്രിയാണ് രണ്ടാമത് നില്‍ക്കുന്നത്. എല്‍ഡിഎഫ് സ്ഥാനാര്‍ത്ഥി ശങ്കര്‍ റൈ മൂന്നാം സ്ഥാനത്താണ്.
കോന്നിയില്‍ ഇടതു സ്ഥാനാര്‍ത്ഥി ജനീഷ് കുമാര്‍ മുന്നിലുള്ളത്. 4702 വോട്ടുകള്‍ക്കാണ് ജനീഷ് കുമാര്‍ മുന്നില് നില്‍ക്കുന്നത്. ഇവിടെ രണ്ടാം സ്ഥാനത്ത് പി മോഹന് രാജ് നില്‍ക്കുമ്പോള്‍ ബിജെപിയുടെ സുരേന്ദ്രന്‍ മൂന്നാം സ്ഥാനത്താണ്.
