ജപ്പാനിലെ യോകോഹാമ തുറമുഖത്ത് പിടിച്ചിട്ടിരിക്കുന്ന ആഡംബര കപ്പലായ ഡയമണ്ട് പ്രിൻസസിൽ കൊറോണ ബാധിച്ച ഇന്ത്യക്കാരുടെ എണ്ണം എട്ടായാതായി കേന്ദ്ര വിദേശകാര്യവക്താവ് രവീഷ് കുമാർ. എല്ലാവരും ആശുപത്രിയിൽ ചികിത്സയിലാണെന്നും രവീഷ് കുമാർ അറിയിച്ചു.
“ഇന്ത്യൻ പൗരന്മാരായ 132 കപ്പൽ ജീവനക്കാരും ആറ് യാത്രക്കാരുമാണ് ഡയമണ്ട് പ്രിൻസസ് കപ്പലിൽ ഉള്ളത്. ഏറ്റവും പുതിയ വിവരം അനുസരിച്ച് കൊറോണ വൈറസ് ബാധിച്ച എട്ട് ഇന്ത്യൻ പൗരന്മാർ ഈ കപ്പലിൽ ഉണ്ട്. ഇവർ ഒരു പ്രാദേശിക ആശുപത്രിയിൽ ചികിത്സയിലാണ്, ”വിദേശകാര്യ വക്താവ് രവീഷ് കുമാർ മാധ്യമങ്ങളോട് പറഞ്ഞു.
Read more
കപ്പലിലുള്ള 10 ആളുകളിൽ വൈറസ് ബാധ സ്ഥിരീകരിച്ചതിനെ തുടർന്ന് ഫെബ്രുവരി 4 മുതൽ ടോക്കിയോയ്ക്കടുത്തുള്ള യോകോഹാമ തുറമുഖത്ത് ഡയമണ്ട് പ്രിൻസസ് എന്ന ക്രൂയിസ് കപ്പൽ പിടിച്ചിട്ടിരിക്കുകയാണ്.
