പുതുവത്സര ദിനം വാട്ട്സ്ആപ്പിന് ചാകരയായിരുന്നു. ടെക്സ്റ്റ് മെസേജ് അയക്കുന്നത് ആളുകള് ഏതാണ്ട് പൂര്ണമായും അവസാനിപ്പിച്ച് ആളുകള് ഇപ്പോള് മെസേജിംഗിനായി ആശ്രയിക്കുന്നത് വാട്ട്സ്ആപ്പിനെയാണ്. പുതുവത്സരദിനത്തില് 2000 കോടി (20 ബില്യണ്) വാട്ട്സ്ആപ്പ് മെസേജുകളാണ് ഇന്ത്യക്കാര് കൈമാറ്റം ചെയ്തത്.
കഴിഞ്ഞ വര്ഷം ഇത് 1400 കോടി (14 ബില്യണ്) മെസേജുകളാണ്. ഇതാണ് ഈ വര്ഷം 20 ബില്യണായി വര്ദ്ധിച്ചത്. വാട്ട്സ്ആപ്പ് തന്നെയാണ് ഇക്കാര്യം അറിയിച്ചിരിക്കുന്നത്. ഓവര്ലോഡ് കാരണം രണ്ടു മണിക്കൂര് നേരത്തേക്ക് വാട്ട്സ്ആപ്പ് സെര്വറുകള് ഡൗണായിരുന്നു.
ലോകവ്യാപകമായി വാട്ട്സ്ആപ്പില് ആ ദിവസം കൈമാറ്റം ചെയ്യപ്പെട്ടത് 75 ബില്യണ് മെസേജുകളാണ്. 13 ബില്യണ് ഇമേജുകളും 5 ബില്യണ് വീഡിയോകളും ഇതില് ഉള്പ്പെടും. പുലര്ച്ചെ പന്ത്രണ്ട് മുതല് അര്ദ്ധ രാത്രി 11.59 വരെയുള്ള കണക്കുകളാണിത്.
ഇന്ത്യയില് വാട്ട്സ്ആപ്പിനുള്ളത് 200 മില്യണ് ഉപയോക്താക്കളാണ്. ഒരു ബില്യണ് ഉപയോക്താക്കളാണ് ലോകവ്യാപകമായി വാട്ട്സ്ആപ്പ് ഉപയോഗിക്കുന്നത്.
Read more
കഴിഞ്ഞ വര്ഷം വാട്ട്സ്ആപ്പിനെ കൂടുതല് യൂസര് ഫ്രണ്ട്ലി ആക്കാന് നിരവധി ഫീച്ചറുകള് അവതരിപ്പിച്ചിരുന്നു. അയച്ച മെസേജുകള് ഡിലീറ്റ് ചെയ്യാനുള്ള ഫീച്ചര് അവതരിപ്പിച്ചത് ഈ വര്ഷമായിരുന്നു. പുതിയ സ്റ്റാറ്റസ് അപ്ഡേറ്റ് ബാര്, ലൈവ് ലൊക്കേഷന് ഷെയറിംഗ് തുടങ്ങിയ ഫീച്ചറുകളും അവതരിപ്പിക്കപ്പെട്ടു. കമ്പനിയുടെ സഹസ്ഥാപകന് ബ്രയാന് ആക്ടണ് വാട്ട്സ്ആപ്പ് വിട്ടതും കഴിഞ്ഞ വര്ഷം തന്നെയായിരുന്നു.