പോക്കറ്റ് കാലിയാക്കാതെ ഒരു കിടിലന്‍ ഫോണ്‍; വിവോ ടി1 പ്രോ 5ജി, വിവോ ടി1 44ഡബ്ല്യു ഫോണുകള്‍ ഇന്ത്യന്‍ വിപണിയില്‍

പുതിയ രണ്ട് സ്മാര്‍ട്ട് ഫോണുകള്‍ ഇന്ത്യന്‍ വിപണിയില്‍ അവതരിപ്പിച്ച് വിവോ. വിവോ ടി 1 പ്രോ 5 ജിയും വിവോ ടി 1 44 ഡബ്യു എന്നീ ഫോണുകളാണ് പുതിയതായി വിപണിയിലേക്കെത്തിയിരിക്കുന്നത്. അമേലെഡ് ഡിസ്‌പ്ലേ, ക്വാല്‍കോം സ്നാപ്ഡ്രാഗണ്‍ 778ജി, ഇന്‍-ഡിസ്‌പ്ലേ ഫിംഗര്‍പ്രിന്റ് സെന്‍സര്‍, 66 വാട്സ് ടര്‍ബോ ചാര്‍ജിംഗ് പിന്തുണയുള്ള 4700 എംഎഎച്ച് ബാറ്ററി എന്നിവയുമായാണ് വിവോ ടി 1 പ്രോ 5 ജി വിപണിയിലേക്കെത്തുന്നത്.

ആഗോള സാങ്കേതിക ബ്രാന്‍ഡ് എന്ന നിലയില്‍ ഉപഭോക്താക്കള്‍ക്ക് മെച്ചപ്പെട്ട സ്മാര്‍ട്ട്ഫോണ്‍ അനുഭവം നല്‍കാനാണ് തങ്ങള്‍ ശ്രമിക്കുന്നതെന്ന് വിവോ ഇന്ത്യയുടെ ഡയറക്ടര്‍ പങ്കജ് ഗാന്ധി പറഞ്ഞു. പുതിയ ഫോണുകള്‍ അത്യാധുനിക സാങ്കേതികവിദ്യ ഉപയോഗിച്ച് രൂപകല്‍പ്പന ചെയ്തിരിക്കുന്നവയാണ്.

ടി1 പ്രോ 5ജി 6GB+128GB സീരീസിന്് 23,999 രൂപയാണ് വില. അതേസമയം 8GB+128GB സീരീസിന്് 24,999 രൂപയും. ടി1 44വാട്സ് 4 GB + 128 GB ന് 14,499 രൂപയ്ക്കും 6GB + 128 GB സീരീസ് 15,999 രൂപയ്ക്കും ലഭിക്കും. 8GB സീരീസിന്് ് 17,999 രൂപയാണ് വില. എന്നാലും, ആദ്യമായി വിപണിയില്‍ എത്തുന്നതിനാല്‍ വിവോ ടി1 പ്രോ 5G വാങ്ങുമ്പോള്‍ 2500 രൂപ കിഴിവും നിങ്ങളുടെ ICICI/SBI/IDFC ഉപയോഗിച്ച് പേയ്‌മെന്റ് നടത്തുകയാണെങ്കില്‍ 1500 രൂപയുടെ ആനുകൂല്യങ്ങളും ലഭിക്കും. 2022 മെയ് 31 വരെയാണ് ഓഫറുകഴുടെ കാലാവധി.

ടര്‍ബോ ബ്ലാക്ക്, ടര്‍ബോ സിയാന്‍ എന്നിങ്ങനെ രണ്ടു തരം നിറത്തില്‍ ഫോണുകള്‍ ലഭ്യമാണ്. ടി1 പ്രോയില്‍ 6.44-ഇഞ്ച് അമോലെഡ് ഡിസ്‌പ്ലേ, 6 ദശലക്ഷം:1 കോണ്‍ട്രാസ്റ്റ് റേഷ്യോ, എന്നിവ കൂടാതെ 1300 nits വരെ ഉയര്‍ന്ന തെളിച്ചമുള്ള വിശാലമായ DCI-P3 കളര്‍ ഗാമറ്റുണ്ട്.. മികച്ച ദൃശ്യ- ശ്രവ്യ അനുഭവമാണ് ഇതിലൂടെ ലഭിക്കുക. വീഡിയോ ക്വാളിറ്റിയും ആകര്‍ഷകമാണ്.

ടി1 ന് 6.44 ഇഞ്ച് അമോലെഡ് ഡിസ്‌പ്ലേയും എഫ്എച്ച്ഡി+ അമോലെഡ് ഡിസ്‌പ്ലേയും ഉണ്ട്. രണ്ടു മോഡലിലും ഇന്‍-ഡിസ്‌പ്ലേ ഫിംഗര്‍പ്രിന്റ് സെന്‍സര്‍ ഉണ്ട്. സ്മാര്‍ട്ട്‌ഫോണുകള്‍ ആന്‍ഡ്രോയിഡ് 12 ബോക്‌സിന് പുറത്ത് ബൂട്ട് ചെയ്യുന്നു. ടി1 പ്രോ ഒരു സ്‌നാപ്ഡ്രാഗണ്‍ 778G 5G പ്രോസസറും 8GB വരെ റാമും ആണ് നല്‍കുന്നത്, അതേസമയം ടി1-ന് 8GB വരെ റാം സ്‌നാപ്ഡ്രാഗണ്‍ 680 ആണ്. ക്യാമറ വിഭാഗത്തില്‍, ടി1 പ്രോ 5ജി 64 മെഗാപിക്സല്‍ പ്രൈമറി സെന്‍സറിനൊപ്പം 8 മെഗാപിക്സല്‍ അള്‍ട്രാ വൈഡ്, 2 മെഗാപിക്സല്‍ മാക്രോഎന്നിവയുടെ ഇവയിലുണ്ട്. 16 മെഗാപിക്സലാണ് സെല്‍ഫി ക്യാമറ. ടി1 44 വാട്സി-ല്‍ 50 എംപി പ്രൈമറി, 2എംപി മാക്രോ ക്യാമറ, ഹൈ ഡെഫനിഷന്‍ ഫോട്ടോഗ്രാഫിക്കായി 2എംപി ബൊക്കെ ക്യാമറ എന്നിവയുണ്ട്. ടി1 പ്രോയില്‍ ടര്‍ബോ ചാര്‍ജിംഗ് പിന്തുണയുള്ള 4700 എംഎഎച്ച് ബാറ്ററിയാണുള്ളതെങ്കില്‍ ടി1, 44ല്‍ 5000 എംഎഎച്ച് ബാറ്ററിയാണുള്ളത്.