ടോക്യോ ഒളിംപിക്സിലെ ഇന്ത്യയുടെ സുവര്ണ സ്വപ്നങ്ങള് നെഞ്ചിലേറ്റുന്ന സൂപ്പര് ബോക്സര് മേരി കോമിന് ഉശിരന് തുടക്കം. വനിതകളുടെ 48-51 കിലോഗ്രാം ഫ്ളൈവെയ്റ്റില് മേരി പ്രീ-ക്വാര്ട്ടറില് ഇടം ഉറപ്പിച്ചു. അവസാന 32ല് ഡൊമിനിക്കന് റിപ്പബ്ലിക്കിന്റെ മിഗേലിന ഹെര്ണാണ്ടസ് ഗാര്സ്യയെ 4-1ന് ഇടിച്ചൊതുക്കി മേരിയുടെ മുന്നേറ്റം.
തുടക്കംമുതല് ആത്മവിശ്വാസത്തോടെ എതിരാളിയെ നേരിട്ട മേരി 3-2 എന്ന സ്കോറിനാണ് ആദ്യ റൗണ്ട് ജയിച്ചത്. രണ്ടാം റൗണ്ടിലും അതേ സ്കോറിന് മേരി ആധിപത്യം ഉറപ്പിച്ചു. ഒടുവില് കാര്യമായ വെല്ലുവിളിയില്ലാതെ ഗാര്സ്യയെ മറികടന്ന് അവസാന പതിനാറിലേക്ക് കുതിക്കാനും മേരിക്കായി.
Read more
വ്യാഴാഴ്ചത്തെ പ്രീ-ക്വാര്ട്ടറില് കൊളംബിയന് എതിരാളിയാണ് മേരിയെ കാത്തിരിക്കുന്നത്.