കേരള ബ്ലാസ്‌റ്റേഴ്‌സില്‍ നിന്നും എഫ്‌സി ഗോവയിലേക്ക് ചേക്കേറിയ ഡച്ച് താരം മാര്‍ക്ക് സിഫ്‌നിയോസിനെതിരേ സോഷ്യല്‍ മീഡിയയില്‍ രൂക്ഷ വിമര്‍ശനമുയരുന്നു. കേരള ബ്ലാസ്റ്റേഴ്സ് മാനേജ്‌മെന്റുമായുള്ള തീരുമാന പ്രകാരമാണ് സിഫ്‌നിയോസ് ടീം വിട്ടതെങ്കിലും താരത്തിനെതിരേ സോഷ്യല്‍ മീഡിയയില്‍ പൊങ്കാല തുടരുകയാണ്.
ഇതിനിടയില്‍ ഏഷ്യാനെറ്റ് മൂവീസിന്റെ ഐഎസ്എല്‍ മലയാളം കമേന്ററായ ഷൈജു ദാമോദരനും സിഫ്‌നിയോസിനെതിരേ ഫെയ്‌സ്ബുക്കില്‍ രംഗത്തു വന്നു. കേരള ബ്ലാസ്റ്റേഴ്സ് ആരാധകരുടെ പ്രിയ കമേന്ററായ ഷൈജു ദാമോദരന്റെ ഫെയ്‌സ്ബുക്ക് കുറിപ്പ് ബ്ലാസ്റ്റേഴ്സ് ആരാധകര്‍ക്കിടയില്‍ വന്‍ സ്വീകാര്യതയാണ് ലഭിച്ചത്.
അമ്പട കള്ളാ സിഫ്‌നിക്കുട്ടാ, പത്തു തലയുള്ള രാവണാ, ആംസ്റ്റര്‍ഡാമിന് ഫ്‌ലൈറ്റ് പിടിക്കാന്‍ പോയ ആള്‍ മംഗള എക്‌സ്പ്രസില്‍ കയറി ഗോവയിലിറങ്ങി ങമൃസ ടശളിലീ െടശഴി െംശവേ എഇ ഏീമ. ശരിക്കും ഒരു മറുകണ്ടം ചാടല്‍ തന്നെ. കൂടുതല്‍ ചില്ലറയ്ക്കു വേണ്ടിയുള്ള ഈ സെക്കന്റ് വിന്റോ ഏര്‍പ്പാട് ശരിക്കും മറ്റേപ്പണിയായിപ്പോയി സഹോ എന്നാണ് ഷൈജു ദാമോദരന്‍ ഫെയ്‌സ്ബുക്കില്‍ കുറിച്ചത്.
https://www.facebook.com/shaijusjournal/posts/934764030009442
Read more
അതേസമയം, കേരള ബ്ലാസ്റ്റേഴ്സ് റിലീസ് ചെയ്ത താരം ഡച്ച് ക്ലബ്ബില്‍ ചേരുന്നതിനായി ടീം വിട്ടു എന്നുള്ളതാണ് മുന്‍പുള്ള വാര്‍ത്തകള്‍ സൂചിപ്പിച്ചിരുന്നത്. എന്നാല്‍ ഇന്നലെ ഗോവ എഫ് സി യുമായുള്ള ചര്‍ച്ചകള്‍ക്കൊടുവില്‍ താരം പദ്ധതി ഉപേക്ഷിക്കുകയായിരുന്നു. താരത്തിന്റെ ഫേസ്ബുക്ക് പേജിലും ആരാധകരുടെ തെറിയഭിഷേകം തുടരുന്നു. സിഫ്‌നിയോസിന്റെ വിക്കിപ്പീഡിയ പേജില്‍ താരത്തിന്റെ പേരു “മാര്‍ക്ക് ട്രൈറ്റര്‍ ശശി” എന്നാക്കിയിട്ടുണ്ട്.
