ബ്ലാസ്‌റ്റേഴ്‌സിലെ ഏറ്റവും വില പിടിച്ച താരമായി സഹല്‍, താരങ്ങളുടെ താരമൂല്യം ഇങ്ങനെ

ഐഎസ്എല്‍ അരങ്ങേറ്റ സീസണില്‍ കാര്യമായ അവസരം കിട്ടാത്ത താരമായിരുന്നു മലയാളി കൂടിയായ സഹല്‍ അബ്ദുസമദ്. എന്നാല്‍ പരിമിതമായ അവസരങ്ങളില്‍ തന്റേതായ ശൈലിയിലൂടെ എതിരാളികളെ വിറപ്പിച്ച സഹല്‍ ഇന്ന് ബ്ലാസ്റ്റേഴ്‌സിലെ ഏറ്റവും വിലപിടിപ്പുളള ഇന്ത്യന്‍ താരമായി മാറിയിരിക്കുകയാണ്.

നിലവില്‍ 20000 പൗണ്ടാണ് (ഒരു കോടി 84 ലക്ഷം രൂപ) 22-കാരനായ സഹലിന്റെ താരമൂല്യമായി കണക്കാക്കുന്നത്. കേരള ബ്ലാസ്റ്റേഴ്‌സില്‍ ഏറ്റവും അധികം താരമൂല്യമുളള കളിയ്ക്കാരാനായി സഹല്‍ ഇതോടെ മാറി.

ബ്ലാസ്‌റ്റേഴ്‌സ് പ്രതിരോധ നിര താരം സന്ദേഷ് ജിങ്കന്റേയും താരമൂല്യവും 20000 യൂറോയാണ്. ഒരു സീസണ്‍ മുഴുവന്‍ പരിക്കറ്റ് പുറത്തിരിക്കേണ്ടി വന്നതാണ് ജിങ്കന് തിരിച്ചടിയായത്.

അതെസമയം മറ്റൊരു മലയാളി താരം പ്രശാന്തിന്റെ താരമൂല്യം 17500 പൗണ്ടാണ്. മുഹമ്മദ് റാക്കിബും ഇതേ താരമൂല്യമുളള താരമാണ്. ഒറ്റ സീസണ്‍ കൊണ്ട് ബ്ലാസ്റ്റേഴ്‌സ് ആരാധകരുടെ ഇഷ്ടതാരമായി മാറിയ ജെസലിന്റെ മൂല്യമാകട്ടെ 15000 പൗണ്ടാണ്. അരങ്ങേറ്റ സീസണില്‍ നിന്നും മൂന്നരട്ടി തുക വാഗ്ദാനം ചെയ്താണ് ജസലിനെ ഈ സീസണില്‍ ബ്ലാസ്റ്റേഴ്‌സ് നിലനിര്‍ത്തിയത്.

ഹോളിചരണ്‍ നെസ്‌റി (12500 പൗണ്ട), ജാക്‌സണ്‍ സിംഗ് (12500 പൗണ്ട്), സാമുവല്‍ (10000 പൗണ്ട്), രാഹുല്‍ കെപി (10000 പൗണ്ട്) എന്നിങ്ങനെയാണ ബ്ലാസ്റ്റേഴ്‌സിലെ മറ്റ് ഇന്ത്യന്‍ താരങ്ങളുടെ മൂല്യം.