ചാമ്പ്യന്‍സ് ലീഗ് ഫുട്‌ബോള്‍ രണ്ടാംപാദ സെമിയില്‍ ലിവിര്‍പൂളിനോട് തോറ്റു പുറത്തായതിനു പിന്നാലെ ഗ്രൗണ്ടില്‍ വെച്ച് തന്നെ അപമാനിക്കപ്പെട്ട് ബാഴ്‌സലോണ സൂപ്പര്‍ താരം ലയണല്‍ മെസി. ഗ്രൗണ്ടിലേക്ക് ഓടിക്കയറിയ ലിവര്‍പൂള്‍ ആരാധകന്‍ മെസിയ്ക്ക് മുന്നിലെത്തി വിജയചിഹ്നം ഉയര്‍ത്തുകയായിരുന്നു. എന്നാല്‍ ഒട്ടും പരിഭവം പ്രകടിപ്പിക്കാതെ നിസ്സംഗനായി മെസി നടന്ന് നീങ്ങുകയായിരുന്നു.
El niño del Liverpool que troleó a Messi. #ChampionsMLC pic.twitter.com/ISZCwgdNm5
— Fútbol en Movistar+ (@MovistarFutbol) May 8, 2019
അതെസമയം മത്സരശേഷം ഡ്രസ്സിംഗ് റൂമിലെത്തിയ മെസി പൊട്ടിക്കരഞ്ഞതായും റിപ്പോര്‍ട്ടുകളുണ്ട്. സഹതാരങ്ങള്‍ മെസിയെ ആശ്വസിപ്പിക്കാന്‍ ശ്രമിച്ചെങ്കിലും താരത്തിന്റെ കണ്ണീരടക്കാനായില്ലെന്ന് ഗാര്‍ഡിയന്‍ റിപ്പോര്‍ട്ട് ചെയ്തു. അതിനിടെ വിമാനത്തവാളത്തില്‍ വെച്ച് രോഷാകുലരായ ബാഴ്‌സ ആരാധകരോട് മെസി ദേഷ്യപ്പെട്ടതായും സ്പാനിഷ് മാധ്യമങ്ങള്‍ റിപ്പോര്‍ട്ട് ചെയ്തു.
മത്സരശേഷം ബാഴ്‌സ താരങ്ങളെല്ലാം ടീം ബസില്‍ വിമാനത്താവളത്തിലേക്ക് പോയപ്പോഴും പതിവ് ഉത്തേജക മരുന്ന് പരിശോധനകള്‍ക്കായി മെസിക്ക് ആന്‍ഫീല്‍ഡില്‍ കാത്തു നില്‍ക്കേണ്ടി വന്നു. മെസിയെ പിന്നീട് പ്രത്യേക വാഹനത്തില്‍ വിമാനത്താവളത്തില്‍ എത്തിക്കുകയായിരുന്നു.
Read more
ബാഴ്‌സലോണ ജേഴ്‌സിയില്‍ അഞ്ചാം ചാമ്പ്യന്‍സ് ലീഗ് കിരീടമെന്ന സ്വപ്നനേട്ടത്തിനായി ഇറങ്ങിയ മെസിയും സംഘവും ലിവര്‍പൂളിനോട് ഞെട്ടിക്കുന്ന തോല്‍വിയാണ് വഴങ്ങിയത്. ആദ്യപാദത്തില്‍ 3-0ന്റെ ലീഡുണ്ടായിട്ടും രണ്ടാംപാദത്തില്‍ ലിവര്‍പൂളിന്റെ ഹോം മൈതാനമായ ആന്‍ഫീല്‍ഡില്‍ 4-0നാണ് ബാഴ്‌സ തോല്‍വി വഴങ്ങിയത്.
