അന്താരാഷ്ട്ര ക്രിക്കറ്റില് അവസരം ഏതാണ്ട് അവസാനിക്കുമെന്ന് ഉറപ്പായ മുന് ഇന്ത്യന് താരം യുവരാജ് സിംഗ് കരിയറില് നിര്ണായക നീക്കങ്ങള്ക്ക് ഒരുങ്ങുന്നു. ഇതിന്റെ ഭാഗമായി അന്താരാഷ്ട്ര ക്രിക്കറ്റില് നിന്ന് വിരമിക്കാനാണ് യുവരാജ് ആലോചിക്കുന്നത്.
ഹിന്ദുസ്ഥാന് ടൈംസ് ആണ് ഇക്കാര്യം റിപ്പോര്ട്ട് ചെയ്യുന്നത്. എന്നാല് അന്താരാഷ്ട്ര ക്രിക്കറ്റില് നിന്നും വിരമിക്കുമെങ്കിലും ഫസ്റ്റ് ക്ലാസ് ക്രിക്കറ്റിലും വിദേശ ക്രിക്കറ്റ് ലീഗുകളിലും സജീവമാകാനാണ് യുവരാജ് ആലോചിക്കുന്നത്.
ഗ്ലോബല് ടി20 (കാനഡ), യൂറോ ടി20 സ്ലാം തുടങ്ങിയ അംഗീകൃത വിദേശ ടി20 ലീഗുകളില് കളിക്കാനാണ് യുവരാജിന്റെ നീക്കം. ഇതിന് വേണ്ടിയുള്ള അനുമതിക്കായി ബിസിസിഐയെ സമീപിച്ചിരിക്കുകയാണ് യുവരാജ് നിലവില്. യുവരാജിന്റെ നീക്കത്തിന് ബിസിസിഐ പച്ചക്കൊടി കാട്ടുമോയെന്നറിയാന് കാത്തിരിക്കുകയാണ് ക്രിക്കറ്റ് ലോകം.
Read more
നേരത്തെ ഇപ്രാവശ്യത്തെ ഐപിഎല്ലില് മുംബൈ ഇന്ത്യന്സിനായി യുവരാജ് കളിച്ചിരുന്നു. എന്നാല് നാല് മത്സരം മാത്രമാണ് യുവരാജിന് മൈതാനത്തിറങ്ങാനായത്. മാത്രമല്ല ഇന്ത്യയുടെ ലോക കപ്പ് ടീമില് നിന്നും യുവരാജ് പുറത്താകുകയും ചെയ്തിരുന്നു.