രാജ്യതലസ്ഥാനമായ ഡല്ഹിയില് സംഘ്പരിവാര് ആസൂത്രണത്തോടെ അരങ്ങേറിയ കലാപത്തിന് പിന്നാലെ ശ്രദ്ധേയമായ ഒരു ചോദ്യവുമായി മുന് ഇന്ത്യന് താരം ആകാശ് ചോപ്ര. ട്വിറ്ററില് ഒരു കുറിപ്പ് പങ്കുവെച്ച് “ഇതു തന്നെയാണോ നിങ്ങളുടെ ഇന്ത്യയെന്ന ആശയവും..?” എന്നാണ് ചോപ്ര ചോദിക്കുന്നത്.
ഇന്ത്യയെ കുറിച്ചുള്ള ഞങ്ങളുടെ ആശയം എന്ന് കുറിച്ച് സ്നേഹാലിംഗനത്തിന്റെ ഇമോജിയും ആകാശ് ചോപ്ര ചേര്ത്തിരുന്നു. നാനാത്വത്തില് ഏകത്വം, സമാധാനം, സ്നേഹം എന്നീ വാക്കുകള് ഹാഷ്ടാഗുകളാക്കി കൊണ്ടായിരുന്നു ആകാശ് ചോപ്ര ഈ കുറിപ്പ് ട്വീറ്റ് ചെയ്തത്.
Our Idea Of India 🤗 Is that your idea of India too?? #UnityInDiversity #Peace #Love pic.twitter.com/6NyLHmiM0q
— Wear a Mask. Stay Safe, India (@cricketaakash) February 27, 2020
“എന്റെ മകള് ആരന അവളുടെ ജന്മദിനം സുഹൃത്ത് അകിറയുമായി പങ്കുവെയ്ക്കാറുണ്ട്. ഞങ്ങള് വര്ഷങ്ങളായി ഒരുമിച്ചാണ് പാര്ട്ടി നടത്താറ്. അവര് ഒരേപോലുള്ള വസ്ത്രം ധരിക്കുന്നു. അവര് ഒരു കേക്ക് മുറിക്കുന്നു. ചിലപ്പോള് ജന്മദിനങ്ങളില് അവരെ കാണാനും ഒരുപോലിരിക്കും. അപ്പോള് ആരാണ് അകിറ, ആരാണ് ആരന എന്ന് പറയാന് തന്നെ പ്രയാസമാവും.
അവരുടെ പേരിന്റെ അവസാനത്തിലുള്ള ചോപ്ര, വിരാനി എന്നിവയൊഴികെ അവരില് ഒരു വ്യത്യാസവും ഇല്ല. അകിറ ഒരു മുസ്ലിമാണെന്ന് ആരനക്കറിയില്ല. ആരന ഒരു ഹിന്ദുവാണെന്ന് അകിറക്കും അറിയില്ല. ഈ വിവരം നമ്മള് ഒരിക്കലും അവരിലേക്കെത്തിക്കരുത്”
Read more
ഇങ്ങനെ എഴുതിയ കുറഇപ്പ് പങ്ക് വെച്ചാണ് ഇന്ത്യയെ കുറിച്ചുളള ഞങ്ങളുടെ ആശയം ഇതാണെന്നും ഇതു തന്നെയാണോ നിങ്ങളുടെ ഇന്ത്യയെന്ന ആശയവും എന്ന് ചോപ്ര ചോദിക്കുന്നു.