പ്രഥമ ലോക ടെസ്റ്റ് ചാമ്പ്യന്ഷിപ്പിന് രണ്ട് ദിവസം മാത്രം ബാക്കി നില്ക്കെ ഇന്ത്യന് ടീമിനെ പ്രശംസിച്ച് ന്യൂസിലന്ഡ് സൂപ്പര് താരം റോസ് ടെയ്ലര്. ഇന്ത്യ ടീമിലുള്ളത് ലോകോത്തര താരങ്ങളാണെന്നും അവര്ക്കെതിരായ ഫൈനല് പോര് ഏറെ കഠിനമായിരിക്കുമെന്നും ടെയ്ലര് പറഞ്ഞു.
“ഇന്ത്യ ഏറെകാലമായി ഒന്നാം നമ്പര് ടെസ്റ്റ് ടീമാണ്. ബാറ്റ്സ്മാര്ക്കൊപ്പം ബോളര്മാരും ഏറെ മികച്ചതാണ്. ഇന്ത്യന് ലൈനപ്പിലൂടെ കടന്ന് പോയാല് തന്നെ ഒട്ടനവധി ലോകോത്തര താരങ്ങളാണുള്ളതെന്ന് കാണാം. അവര് ഏത് അന്തിമ ഇലവനെ തിരഞ്ഞെടുത്താലും അത് കടുപ്പമേറിയ ടീമായിരിക്കും.”
“ഇന്ത്യയുടെ 15 അംഗ സംഘത്തില് നിന്ന് പുറത്ത് പോകുന്ന താരങ്ങളും ലോകോത്തര താരങ്ങളാണെന്നതാണ് ശ്രദ്ധേയം. പ്രമുഖ താരങ്ങളില്ലാതെ ഇന്ത്യ ഓസ്ട്രേലിയയില് ടെസ്റ്റ് പരമ്പര വിജയിച്ച് ലോകത്തെ ഞെട്ടിച്ചു. ഞങ്ങള് മികവുറ്റ വെല്ലുവിളി പ്രതീക്ഷിക്കുന്നു” ടെയ്ലര് പറഞ്ഞു.
Read more
ജൂണ് 18നാണ് ലോക ടെസ്റ്റ് ചാമ്പ്യന്ഷിപ്പ് ഫൈനല് ആരംഭിക്കുന്നത്. ഇംഗ്ലണ്ടിലെ സതാംപ്ടണിലാണ് മത്സരം. ജൂണ് 23 റിസര്വ് ഡേ ആയിരിക്കും. കളി സമനിലയില് പിരിഞ്ഞാല് രണ്ട് ടീമിനേയും വിജയിയായി പ്രഖ്യാപിക്കും.