പ്രഥമ ലോക ടെസ്റ്റ് ചാമ്പ്യന്ഷിപ്പില് ഇന്ത്യയെ നേരിടാനൊരുങ്ങുന്ന ന്യൂസിലന്ഡിന് ഭീഷണിയായി സൂപ്പര് താരങ്ങളുടെ പരിക്ക്. കിവീസ് നായകന് കെയിന് വില്യംസണ്, സൂപ്പര് സ്പിന്നര് മിച്ചല് സാന്റ്നര് എന്നിവര്ക്കാണ് പരിക്കേറ്റിരിക്കുന്നത്.
കെയിന് വില്യംസണിന്റെ ഇടത് കൈമുട്ടിനാണ് പരിക്കേറ്റിരിക്കുന്നത്. താരത്തിന്റെ ആരോഗ്യ സ്ഥിതി നിരീക്ഷണത്തിലാണ്. വിരലിനേറ്റ മുറിവാണ് സാന്റ്നറിന് തിരിച്ചടിയായത്.
ജൂണ് 10ന് ഇംഗ്ലണ്ടിനെതിരെ എഡ്ജ്ബാസ്റ്റണില് നടക്കുന്ന മത്സരത്തില് സാന്റ്നര് കളിക്കില്ലെന്ന് ഏറെക്കുറെ ഉറപ്പായിട്ടുണ്ട്. താരത്തിന്റെ പകരം സൂപ്പര് പേസര് ട്രെന്റ് ബോള്ട്ട് ഇറങ്ങും. വില്യംസണ് എഡ്ജ്ബാസ്റ്റണില് കളിക്കുമോ എന്നതില് അന്തിമ തീരുമാനം ഇന്നുണ്ടാകും.
Read more
ലോക ടെസ്റ്റ് ചാമ്പ്യന്ഷിപ്പ് അടുത്തിരിക്കെ താരങ്ങളുടെ പരിക്ക് കിവീസിന് ആസങ്ക നല്കുന്നതാണ്. ഈ മാസം 18 ന് സതാപ്റ്റണിലാണ് ഇന്ത്യ-കിവീസ് ഫൈനല് പോരാട്ടം. ഇനി വെറും ഒമ്പത് നാള് മാത്രമാണ് ഫൈനലിന് ഉള്ളത്.