ഇന്നലെ നടന്ന മത്സരത്തിൽ ജയം ഉറപ്പിച്ച ഘട്ടത്തിൽ നിന്നായിരുന്നു ചെന്നൈ തോൽവിയിലേക്ക് വീണത്. അപ്രതീക്ഷിത തോൽവിയിലേക്ക് ടീമിനെ നയിച്ചത് ബൗളറുമാരിൽ ചിലരുടെ മോശം പ്രകടനവും ഫിൽഡിങ്ങിലെ ചോരുന്ന കൈകളും കാരണമാണ്. ഗുജറാത്തിന്റെ വിജയശില്പി മില്ലറെ പുറത്താക്കാൻ കിട്ടിയ അവസരം വിട്ടുകളഞ്ഞ കഴിഞ്ഞ മത്സരത്തിലെ ഹീറോ ശിവം ദുബൈയുടെ അശ്രദ്ധയാണ് ചെന്നൈ തോൽവിക്ക് ഒരു കാരണമെന്ന് പറയാം.
catches wins matches ക്രിക്കറ്റിലെ പഴയ ഒരു പഴഞ്ചൊലാണ്. ജഡേജ അത് ദുബെയോട് മത്സരശേഷം പറഞ്ഞിട്ടുണ്ടാവും. മില്ലർ 76 റൺസിൽ നിൽക്കെയായിരുന്നു സംഭവം. ബ്രാവോ ഓവറിലാണ് ഡേവിഡ് മില്ലറുടെ ഈസി ക്യാച്ച് അശ്രദ്ധയിൽ ശിവം ദൂബൈ നഷ്ടമാക്കിയത്. മില്ലർ സിക്സ് അടിക്കാനുള്ള ശ്രമം ബൗണ്ടറി ലൈൻ അരികിൽ നിന്ന ദൂബൈ അരികിൽ വരെ എത്തിയെങ്കിലും ഓടി എത്തിയ താരത്തിന് അത് കൈകളിൽ എത്തിക്കാൻ കഴിഞ്ഞില്ല. താരം ഒരു അടി കൂടി മുന്നിൽ ആയിരുന്നെങ്കിൽ പന്ത് എത്തിപിടിക്കാമായിരുന്നു. എന്നാൽ പന്തിന്റെ ദിശ മനസിലാക്കാൻ പറ്റാതിരുന്ന താരം കൈവിട്ടത് ജയിക്കേണ്ട മത്സരം തന്നെയായിരുന്നു.
ഈ മോശംപ്രകടനം ബൗളർ ബ്രാവോയെ ചൊടിപ്പിച്ചപ്പോൾ ക്യാപ്റ്റൻ ജഡേജക്കും ദേഷ്യം തോന്നി. തന്റെ ടീമിന്റെ ജയം കൈവിട്ട ആ നിമിഷത്തെ ജഡേജയുടെ റിയാക്ഷനും വൈറൽ ആയി കഴിഞ്ഞു.
Read more
കുറച്ച് നാളായി സ്ഥിരത ഇല്ലാതിരുന്ന പ്രകടനം നടത്തിയിരുന്ന മില്ലർക്ക് പുതുജീവൻ നൽകുന്ന പ്രകടനമായി ഇത്.
