ഈ വര്ഷം ഒക്ടോബര്-നവംബര് മാസങ്ങളില് ഇന്ത്യയില് നടത്താന് നിശ്ചയിച്ചിരിക്കുന്ന ടി20 ലോക കപ്പില് ആര് ജേതാക്കളാകുമെന്ന് പ്രവചിച്ച് പാക് ഇതിഹാസ താരം വസീം അക്രം. ശക്തരായ നിരവധി ടീമുകളുണ്ടെങ്കിലും ഇന്ത്യ തന്നെ കിരീടം നേടുമെന്നാണ് അക്രം പറയുന്നത്.
“ന്യൂസിലന്ഡിനും ഇംഗ്ലണ്ടിനും പാകിസ്ഥാനും കിരീട സാദ്ധ്യതകളുണ്ടെങ്കിലും ടി20 ലോക കപ്പില് ഏറ്റവും കൂടുതല് മുന്തൂക്കം ഇന്ത്യക്കാണ്. ടി20 ക്രിക്കറ്റില് ഭയരഹിതരായാണ് ഇന്ത്യ കളിക്കുന്നത്. ഒപ്പം കോഹ്ലിയും, രോഹിത്തും അടക്കം ഒട്ടേറെ സ്റ്റാര് താരങ്ങള് അവരുടെ സംഘത്തിലുണ്ട്.”
“ഇന്ത്യക്കെന്നപോലെ ഇംഗ്ലണ്ടിനും സാദ്ധ്യതയുണ്ട്. ന്യൂസിലന്ഡാണ് സാധ്യതയുള്ള മറ്റൊരു ടീം. വെസ്റ്റിന്ഡീസിനെ പ്രവചിക്കാനാവില്ല. അവരുടെ പ്രധാന കളിക്കാരെല്ലാം ടീമിലുണ്ട്. ഏത് ടീമും ഭയക്കുന്ന സംഘമാണ് അവരും.”
Read more
“പാകിസ്ഥാന് കിരീടം ഉയര്ത്തുന്നത് കാണാനാണ് ഞാനാഗ്രഹിക്കുന്നത്. 2009ലാണ് പാകിസ്ഥാന് അവസാനം കിരീടം ഉയര്ത്തിയത്. എന്നാല് ടീം കോമ്പിനേഷന് സംബന്ധിച്ച പ്രശ്നങ്ങള് പാകിസ്ഥാന് പരിഹരിക്കേണ്ടതുണ്ട്. അഞ്ചാം നമ്പറിലെയും ആറാം നമ്പറിലെയും പ്രശ്നങ്ങള് പരിഹരിച്ചാലേ പാകിസ്ഥാന് സാദ്ധ്യതകളുള്ളു” അക്രം ചൂണ്ടിക്കാട്ടി.