കഴിഞ്ഞ ഐ.പി.എല് സീസണില് മികച്ച പ്രകടനം പുറത്തെടുക്കാന് സാധിക്കാതെ പോയ താരങ്ങളിലൊരാളാണ് ഓസീസ് താരം സ്റ്റീവ് സ്മിത്ത്. ഐ.പി.എല്ലില് പുറത്തെടുത്തത് തന്റെ ബാറ്റിംഗ് ശൈലിയല്ലെന്നും എന്നാല് ഇന്ത്യയ്ക്കെതിരെ കളിക്കാന് താന് താളം കണ്ടെത്തി കഴിഞ്ഞെന്നും സ്മിത്ത് പറഞ്ഞു.
“ഐ.പി.എല്ലില് എനിക്ക് സ്ഥിരത കണ്ടെത്താന് കഴിഞ്ഞില്ല. അവിടവിടെ ഏതാനും ഇന്നിംഗ്സ് കളിച്ചതല്ലാതെ സ്ഥിരത ലഭിച്ചില്ല. കൂടുതല് പവര്ഫുള് ഷോട്ടുകള്ക്ക് കളിച്ചാണ് ഐപിഎല്ലില് വിക്കറ്റ് പലപ്പോഴും നഷ്ടമായത്. അത് എന്റെ കളി ശൈലിയല്ല. ഇഷ്ടത്തിന് സിക്സ് പറത്താന് സാധിക്കുന്നവരുണ്ട്. എന്നാല് ഞാന് അക്കൂട്ടത്തില്പ്പെട്ടതല്ല.”
“കഴിഞ്ഞ ഏതാനും ദിവസമായി എന്നെ അടുത്ത് അറിയാവുന്നവര് പറയുന്നത് ഞാന് വീണ്ടും താളം കണ്ടെത്തിയതായാണ്. അതെന്നെ എക്സൈറ്റ് ചെയ്യിക്കുന്നു. നെറ്റ്സില് കുറച്ചു കൂടി പരിശീലിക്കാനാണ് തയ്യാറെടുക്കുന്നത്. രണ്ട് ദിവസം മുമ്പ് കാര്യങ്ങള് ശരിയായ വിധത്തില് അല്ലായിരുന്നു. രണ്ട് ദിവസത്തിനുള്ളിലാണ് എന്തോ സംഭവിച്ചത്. എവിടെ വെച്ചാണ് പന്ത് കാണുന്നത് എന്നതില് മാറ്റം വന്നു. അതെന്റെ മുഖത്ത് ചിരി കൊണ്ടുവന്നു.”
Read more
“വലിയ സീരീസുകളില് എന്റെ ഏറ്റവും മികവ് പുറത്തെടുക്കാനാവും ശ്രമിക്കുക. ആഷസും, ഇന്ത്യക്കെതിരായ പരമ്പരയും പ്രധാനപ്പെട്ടതാണ്. ഇന്ത്യയ്ക്കെതിരെ കളിക്കുമ്പോള് ഓസ്ട്രേലിയന് ക്രിക്കറ്റര് എന്ന നിലയില് എനിക്കുള്ളില് നിന്നും എന്തോ വരുന്നു, അത് എന്താണെന്ന് എനിക്കറിയില്ല” സ്മിത്ത് പറഞ്ഞു.