ഇന്ത്യന്‍ താരങ്ങള്‍ തനിക്കെതിരെ “സ്ലെഡ്ജിംഗ്” ശ്രമങ്ങള്‍ നടത്തിയാലും ശാന്തനായി തന്നെ അതിനെ നേരിടുമെന്ന് ഓസീസ് ഓപ്പണര്‍ ബാറ്റ്‌സ്മാന്‍ ഡേവിഡ് വാര്‍ണര്‍. ക്രിക്കറ്റില്‍ തന്റെ ദിനങ്ങള്‍ എണ്ണപ്പെട്ടു കഴിഞ്ഞെന്നും ഇനി കഴിയുന്നിടത്തോളം കാലം നല്ല രീതിയില്‍ ബാറ്റ് ചെയ്യാനാണ് ശ്രമമെന്നും വാര്‍ണര്‍ പറഞ്ഞു.
“വികാരങ്ങള്‍ അടക്കിവെച്ച് അത് ക്രിക്കറ്റില്‍ കാണിക്കാനാണ് ഞങ്ങളുടെ ശ്രമം. ഇന്ത്യന്‍ താരങ്ങള്‍ “സ്ലെഡ്ജിംഗ്” ശ്രമങ്ങള്‍ നടത്തിയാലും ശാന്തനായി കളിക്കാനാണു ശ്രമിക്കുക. എനിക്ക് ഇപ്പോള്‍ 34 വയസ്സായി. മുപ്പതുകളിലായതു കൊണ്ടുതന്നെ ക്രിക്കറ്റില്‍ എന്റെ ദിനങ്ങള്‍ എണ്ണപ്പെട്ടു കഴിഞ്ഞു. കഴിയുന്നിടത്തോളം കാലം മികച്ച സ്‌ട്രൈക്ക് റേറ്റില്‍ ബാറ്റ് ചെയ്യാനാണു ശ്രമിക്കുന്നത്.”
“കഴിഞ്ഞ ഒന്നു രണ്ടു വര്‍ഷം അച്ചടക്കം കൊണ്ടുവരുന്നതിനാണു ശ്രമിച്ചത്. ക്ഷമ പഠിച്ചതിനു പിന്നില്‍ എന്റെ കുട്ടികള്‍ക്കും പങ്കുണ്ട്. ഞങ്ങള്‍ക്കെതിരെ കളിക്കാന്‍ രോഹിത് ശര്‍മയില്ലാത്തത് ഇന്ത്യയ്ക്കു വന്‍ തിരിച്ചടിയാണ്. കെ.എല്‍. രാഹുല്‍, ശിഖര്‍ ധവാന്‍, മായങ്ക് അഗര്‍വാള്‍ തുടങ്ങി മികച്ച ഫോമിലുള്ള താരങ്ങള്‍ ഇന്ത്യയ്ക്കുണ്ട്. ക്രിക്കറ്റ് തന്ത്രങ്ങളില്‍ നല്ല അറിവുള്ള താരമാണ് അജിന്‍ക്യ രഹാനെ. സമാധാനത്തോടെ കളിക്കുകയെന്നതാണു രഹാനെയുടെ രീതി” വാര്‍ണര്‍ പറഞ്ഞു.
Read more
മൂന്നു വീതം ഏകദിനങ്ങളും ടി20 മത്സരങ്ങളും നാലു ടെസ്റ്റുകളുമാണ് ഇന്ത്യ ഓസീസ് പര്യടനത്തില്‍ കളിക്കുക. നവംബര്‍ 27-ന് നടക്കുന്ന ഏകദിന പരമ്പരയോടെയാണ് പര്യടനത്തിന് തുടക്കമാകും. വഡിസംബര്‍ 4- നാണ് മൂന്ന് മത്സരം അടങ്ങിയ ടി20 പരമ്പര ആരംഭിക്കുന്നത്. ടെസ്റ്റ് പരമ്പര ഡിസംബര്‍ 17- ന് അഡ് ലെയ്ഡ് ഓവലില്‍ തുടങ്ങും.
