ഐപിഎല്ലിന്റെ രണ്ടാം ഘട്ടത്തിലും സണ്‍റൈസേഴ്‌സ് ഹൈദരാബാദിന്റെ വെടിക്കെട്ട് ഓപ്പണര്‍ ഡേവിഡ് വാര്‍ണര്‍ നിരാശ തുടരുന്നു. ഡല്‍ഹി ക്യാപ്പിറ്റല്‍സിനെതിരെ വാര്‍ണര്‍ പൂജ്യത്തിന് പുറത്തായി.
ടോസ് നേടി ബാറ്റിംഗ് തെരഞ്ഞെടുത്ത സണ്‍റൈസേഴ്‌സിനെ പിന്നോട്ടടിക്കുന്നതായി വാര്‍ണറുടെ പുറത്താകല്‍. ആന്റിച്ച് നോര്‍ട്ടിയ എറിഞ്ഞ ആദ്യ ഓവറിന്റെ മൂന്നാം പന്ത് ബാക്ക്ഫൂട്ടില്‍ സ്‌ക്വയര്‍ ലെഗിലേക്ക് തിരിച്ചുവിടാന്‍ ശ്രമിച്ച വാര്‍ണര്‍ അക്‌സര്‍ പട്ടേലിന്റെ കൈയില്‍ ഒതുങ്ങി.
Read more
ഐപിഎല്ലിന്റെ ആദ്യ ഘട്ടത്തിലും വാര്‍ണര്‍ ബാറ്റിംഗില്‍ പരാജയപ്പെട്ടിരുന്നു. ടീമിനെ നയിച്ച വാര്‍ണര്‍ക്ക് മികച്ച പ്രകടനത്തിലൂടെ സഹ താരങ്ങളെ പ്രചോദിപ്പിക്കാനായില്ല. ഹൈദരാബാദ് തുടര്‍ തോല്‍വികള്‍ വഴങ്ങിയതോടെ വാര്‍ണറെ ക്യാപ്റ്റന്‍ സ്ഥാനത്ത് നിന്ന് നീക്കുകയും ചെയ്തു. ആദ്യ ലെഗിലെ അവസാന മത്സരത്തില്‍ വാര്‍ണര്‍ക്ക് ടീമില്‍ ഇടംലഭിച്ചിരുന്നില്ല.
