ഇതിഹാസ ഇന്ത്യൻ ദേശീയ ക്രിക്കറ്റ് ടീം ഓൾറൗണ്ടറും 1983 ലെ ഐസിസി ക്രിക്കറ്റ് ലോകകപ്പ് ജേതാവുമായ കപിൽ ദേവ് സച്ചിൻ ടെണ്ടുൽക്കറിനും വിരാട് കോഹ്‌ലിക്കും ഇടയിൽ ആരാണ് മികച്ച ബാറ്റ്‌സ്മാൻ എന്ന പ്രതികരണവുമായി രംഗത്തെത്തിയിരിക്കുകയാണ് ഇപ്പോൾ.
ക്രിക്കറ്റ് ചരിത്രത്തിലെ ഏറ്റവും മികച്ച റൺ വേട്ടക്കാരനും ‘ക്രിക്കറ്റിന്റെ ദൈവം’ എന്ന് വിളിക്കപ്പെടുന്ന സച്ചിൻ ടെണ്ടുൽക്കർ, അന്താരാഷ്ട്ര ക്രിക്കറ്റിൽ നിരവധി റെക്കോർഡുകൾ സ്വന്തമാക്കി ചരിത്രത്തിൽ 100 സെഞ്ചുറികൾ നേടുന്ന താരമെന്ന നിലയിലും തുടരുകയാണ്. കോഹ്‌ലിയാകട്ടെ ഈ കാലഘട്ടത്തിൽ തന്നെ സച്ചിന്റെ നിരവധി റെക്കോർഡുകൾ തകർത്തിട്ടുണ്ട്. കൂടാതെ 100 സെഞ്ചുറി എന്ന സച്ചിന്റെ നേട്ടത്തിന് തൊട്ടരികിലാണ് നിൽക്കുന്നത്.
അടുത്തിടെ നടന്ന ഒരു ആശയവിനിമയത്തിനിടെ, 1983-ലെ ലോകകപ്പ് ജേതാവായ ഇന്ത്യയുടെ ക്യാപ്റ്റൻ കപിൽ ദേവിനോട്, സച്ചിനും കോഹ്‌ലിയും നോക്കിയാൽ ആരാണ് മികച്ച താരമെന്ന ചോദ്യത്തിന് നൽകിയ ഉത്തരം ആരാധകർ ഏറ്റെടുത്ത് കഴിഞ്ഞു.
“അത്തരത്തിലുള്ള മികച്ചവൻ എന്ന പേരിൽ ഒരാളെ തെരഞ്ഞെടുക്കേണ്ട ആവശ്യമില്ല. ഇത് 11 കളിക്കാരുടെ ഒരു ടീമാണ്. എനിക്ക് എന്റേതായ ഇഷ്ടങ്ങളോ അനിഷ്ടങ്ങളോ ഉണ്ടാകാം, പക്ഷേ ഓരോ തലമുറയും മെച്ചപ്പെട്ടാണ് വരുന്നത്. നമ്മുടെ കാലത്ത് സുനിൽ ഗവാസ്‌കർ ആയിരുന്നു. രാഹുൽ ദ്രാവിഡ്, സച്ചിൻ, വീരേന്ദർ സെവാഗ് എന്നിവർ ഒരു ഘട്ടത്തിൽ മികച്ചവരായി ഈ തലമുറ രോഹിത്, വിരാടും അടുത്ത തലമുറയിലും ആളുകൾ വരും. കൂടുതൽ മികച്ച പ്രകടനം നിങ്ങൾ കാണും,” ദേവ് ഗൾഫ് ന്യൂസിന് നൽകിയ പ്രത്യേക അഭിമുഖത്തിൽ പറഞ്ഞു.
Read more
കോഹ്‌ലിയെക്കുറിച്ച് പറയുമ്പോൾ, മുൻ ഇന്ത്യൻ ക്യാപ്റ്റൻ തന്റെ അവസാന ആറ് ഏകദിന ഇന്നിങ്സിൽ മൂന്ന് സെഞ്ചുറികൾ നേടിയ തന്റെ നഷ്ടപ്പെട്ട ഫോം കണ്ടെത്തി.
