യുവതാരങ്ങൾക്ക് വലിയ അവസരമാകുമെന്ന് കരുതി എല്ലാവരും കാത്തിരുന്ന് കണ്ട ഇന്ത്യ- കിവീസ് ആദ്യ ടി20 ഒരു പന്ത് പോലും അറിയാതെ ഉപേക്ഷിച്ചു. പുതിയ കരുത്തിൽ ഇന്ത്യ പോരാടുന്നത് കാണാൻ കാത്തിരുന്ന ഇന്ത്യൻ ആരാധകർ നിരാശയിലായി.
ഇടക്ക് ഒന്ന് നിന്നെങ്കിലും പൂർവാധികം ശക്തിയിൽ തിരിച്ചെത്തിയ മഴ ശക്തി പ്രാപിച്ചതോടെ മത്സരം അവസാനം ഉപേക്ഷിക്കാൻ തീരുമാനം ആവുക ആയിരുന്നു. അടുത്ത ദിവസങ്ങളിൽ എല്ലാം മഴ പ്രവചനയുമുണ്ടെന്നതും ശ്രദ്ധിക്കേണ്ടതാണ്.
2022 ലെ ടി20 ലോകകപ്പ് തോൽവിക്ക് ശേഷം വലിയ മാറ്റങ്ങൾ പ്രതീക്ഷിക്കുന്ന ഇന്ത്യൻ ടീമിൽ അതിന്റെ ആദ്യ പടിയായി കണക്കാക്കപ്പെടാവുന്ന പരമ്പരയാണ് കിവികൾക്ക് എതിരെ വരാനിരിക്കുന്നത്. ടി20 യും ഏകദിനങ്ങളും അടങ്ങുന്ന ഉഭയകക്ഷി പരമ്പര ഇന്ത്യൻ ടീമിലെ യുവതാരങ്ങൾക്കുള്ള യഥാർത്ഥ അവസരവും പരീക്ഷണവും ആയിരിക്കും.
Read more
സീനിയർ താരങ്ങൾ ലോകകപ്പിന് ശേഷം നാട്ടിലേക്ക് മടങ്ങിയതിനാൽ, കിവീസിനെതിരായ പോരാട്ടത്തിൽ മധ്യനിരയിൽ ഒരു കൂട്ടം യുവ പ്രതിഭകൾ ടീമിൽ ഇടം നേടിയിട്ടുണ്ട്. ഓൾറൗണ്ടർ ഹാർദിക് പാണ്ഡ്യ ടി20 ടീമിനെ നയിക്കുമ്പോൾ ധവാൻ ഏകദിനത്തിൽ ക്യാപ്റ്റനായി ചുമതലയേൽക്കും. മുൻ ഇന്ത്യൻ ബാറ്റിംഗ് താരവും നിലവിലെ എൻസിഎ മേധാവിയുമായ വിവിഎസ് ലക്ഷ്മണാണ് മുഖ്യ പരിശീലകനായി എത്തുന്നത്.