ഈ സീസണിൽ മികച്ച പ്രകടനം നടത്താൻ സാധിക്കതെ പുറത്തായിരിക്കുകയാണ് ഐ.പി.എലിൽ ഏറ്റവും കൂടുതൽ ആരാധകരുള്ള ചെന്നൈ സൂപ്പർ കിങ്സ്. ഐ.പി.എലിൽ ചരിത്രത്തിൽ ഏറ്റവും സ്ഥിരതയോടെയുള്ള പ്രകടനം നടത്തിയ ചെന്നൈക്ക് മെഗാ ലേലം മുതൽ ഈ സീസണിൽ എല്ലാം പിഴച്ചു എന്നുപറയാം.
സീസണിൽ ആദ്യം നായകൻ ആയിരുന്ന ജഡേജ പകുതിയിൽ പിന്മാറുക ആയിരുന്നു. പിന്നെ പഴയ പടത്തലവൻ ധോണി ഏറ്റെടുത്തപ്പോൾ കാര്യങ്ങൾ കൈവിട്ട് പോവുകയായിരുന്നു. ഇനി അവസാന മത്സരത്തിൽ രാജസ്ഥാനെ നേരിടുന്ന ചെന്നൈക്ക് ലക്ഷ്യം മാനം രക്ഷിക്കാൻ ഒരു ജയം മാത്രം.
കാര്യങ്ങൾ ഇങ്ങനെ ഒകെ ആണെങ്കിലും ഒരു കാലത്ത് തങ്ങൾക്ക് ഏറ്റവും സുഖമുള്ള ഓർമ്മകൾ സമ്മാനിച്ച ടീമിനെ അങ്ങനെ ഉപേക്ഷിക്കാൻ ടീം തയ്യാറല്ല. ധോണിക്ക് ആരാധകൻ അയച്ച ആരാധകൻ അയച്ച ഹൃദയഭേദകമായ കത്തിന് മറുപടിയുമായി ധോണി എത്തിയതോടെ സമൂഹമാധ്യമങ്ങളിലാകെ മഞ്ഞപ്പടയോടുള്ള സ്നേഹം വാക്കുകൾ കൊണ്ട് നിറയുന്ന കാഴ്ചയാണ് കാണാനാകുന്നത്.
ക്രിക്കറ്റർ എന്ന നിലയിലും വ്യക്തി എന്ന നിലയിലും ധോണി എന്നെ വളരെയേറെ സ്വാധീനിച്ചു. ധോണി എന്ന വ്യക്തിയിൽ നിന്ന് ഞാൻ ഏറെ കാര്യങ്ങൾ പഠിച്ചു. അവയിൽ പലതും ജീവിതത്തിൽ പ്രാവർത്തികമാക്കി. താങ്കളാണ് എന്റെ പ്രചോദനം. ഇങ്ങനെ എഴുതിയെക്കുന്ന കത്ത് ചെന്നൈ ആരാധകർ ഓരോരുത്തർക്കും വേണ്ടിയാണെന്നാണ് സമൂഹമാധ്യമങ്ങളിൽ പടരുന്നത്.
‘ഓ ക്യാപ്റ്റൻ, ഞങ്ങളുടെ ക്യാപ്റ്റൻ…താങ്കളെപ്പോലെ ഒരാൾ ഇനിയൊരിക്കലും വരില്ല’- ആരാധകന്റെ വാക്കുകൾ ഏറ്റെടുത്തിരിക്കുകയാണ് സമൂഹമാധ്യമം. കത്ത് ഫ്രെയിം ചെയ്ത ചെന്നൈ സൂപ്പർ കിങ്സിന്റെ പ്രവൃത്തി ആരാധകർക്ക് ആവേശം പകർന്നു. അതേസമയം, കത്തിന് മറുപടിയുമായി എംഎസ് ധോണിയും രംഗത്തെത്തി. ‘നന്നായി എഴുതി’ എന്ന് സ്വന്തം കൈപ്പടയിൽ എഴുതിയ ധോണിയുടെ വാക്കുകൾ സമൂഹമാധ്യമങ്ങളിൽ വൈറലാണ്.
സാധാരണ സമൂഹമാധ്യമങ്ങളിൽ ഒട്ടും ആക്റ്റീവ് അല്ലാത്ത ധോണി എത്തിയതോടെ ചെന്നായ് ടീമും ആരാധകരും തമ്മിലുള്ള സ്നേഹത്തിന്റെ നേർകാഴ്ചയായി സംഭവം മാറി. പണ്ട് 2020 ൽ നാണംകെട്ട് തോറ്റ് പുറത്തായ ചെന്നൈ തൊട്ടടുത്ത വർഷം കിരീടം നേടിയപ്പോൾ ഒരു തിരിച്ചുവരവാണ് അടുത്ത വർഷം ആരാധകർ പ്രതീക്ഷിക്കുന്നത്.
Words from the 💛 framed for life &
signed with 7⃣ove!#SuperFans #WhistlePodu #Yellove 🦁 pic.twitter.com/cpYgyTxBOI— Chennai Super Kings (@ChennaiIPL) May 17, 2022
Read more