കേരള ബ്ലാസ്റ്റേഴ്സിന്റെ എക്കാലത്തെയും മികച്ച ഐ എസ് എൽ സീസണായിരുന്നു 2021-22 ലേത്. ഇവാൻ വുകോമനോവിച്ച് എന്ന സെർബിയൻ പരിശീലകന് കീഴിൽ സ്വപ്ന കുതിപ്പ് നടത്തിയ ടീം, ലീഗ് ഘട്ടത്തിൽ നാലാം സ്ഥാനക്കാരായി പ്ലേ ഓഫിലെത്തുകയും പിന്നീട് ഫൈനൽ വരെ എത്തുകയും ചെയ്ത ടീമാണ് ബ്ലാസ്റ്റേഴ്സ്. ഫൈനലിൽ കീഴ്താടിയെങ്കിലും ആരാധകർ ആഗ്രഹിക്കുന്ന പ്രകടനം തന്നെയാണ് ബ്ലാസ്റ്റേഴ്സിൽ നിന്ന് സീസണിൽ ഉണ്ടായത്.
എന്തായാലും കഴിഞ്ഞ വർഷം തങ്ങൾക്ക് കഷ്ടിച്ച് നഷ്‌ടമായ ആ കിരീടം നേടിയെടുക്കാൻ തന്നെയാണ് ബ്ലാസ്റ്റേഴ്സ് എത്തുന്നത്. അതിനായി ഉള്ള ഒരുക്കം ബ്ലാസ്റ്റേഴ്സ് ആരംഭിച്ച് കഴിഞ്ഞിരിക്കുന്നു.
അതിനായി മാസങ്ങൾക്ക് മുമ്പേ ഒരുങ്ങി ഉള്ള പ്രീ സീസൺ ആണ് ടീം ലക്ഷ്യമിടുന്നത്. കോച്ച് ഇവാൻ ജൂലൈ മാസത്തോടെ കൊച്ചിയിൽ എത്തുന്നുണ്ട്. അതിനുശഷം യൂറോപ്യൻ പര്യടനവും അവിടെയുള്ള ടീമുകളുമായി മത്സരവും ബ്ലാസ്റ്റേഴ്സ് ലക്ഷ്യമിടുന്നു. ഒരുക്കത്തിന്റെ ഭാഗമായി ഇതിനാൽ തന്നെ മികച്ച താരങ്ങളെ പലരെയും നിലനിർത്തിയ ബ്ലാസ്റ്റേഴ്സ് പുതിയ താരങ്ങൾക്കായി ശ്രമിക്കുന്നുണ്ട്..
Read more
ഇതാദ്യമായാണ് ഒരു സീസണിൽ മുഴുവൻ പരിശീലകനായിരുന്നയാളെ കേരള ബ്ലാസ്റ്റേഴ്സ് അവരുടെ മുഖ്യ പരിശീലകനായി അടുത്ത സീസണിലേക്ക് നിലനിർത്തുന്നത്. ക്ലബ്ബിൽ തുടരുന്നതിൽ തനിക്ക് വളരെയധികം സന്തോഷമുണ്ടെന്നാണ് ഇതേക്കുറിച്ചുള്ള ചോദ്യത്തിന് ഇവാൻ മറുപടി നൽകിയത്. ടീമിനെ മികച്ച രീതിയിൽ നിലനിർത്താൻ ശ്രമിക്കുമെന്ന് വ്യക്തമാക്കിയ അദ്ദേഹം, ചില പൊസിഷനുകൾ ബലപ്പെടുത്തേണ്ടതുണ്ടെന്നും ചൂണ്ടിക്കാട്ടിയിരുന്നു,
