ഇംഗ്ലണ്ടിനെതിരായ രണ്ടാം ക്രിക്കറ്റ് ടെസ്റ്റില്‍ ഇന്ത്യ നേടിയ ത്രസിപ്പിക്കുന്ന ജയത്തിന്റെ ആവേശത്തിലാണ് ഇന്ത്യന്‍ ആരാധകര്‍. ടീമിന്റെ വിജയത്തിനിടയിലും അവരെ ആശങ്കപ്പെടുത്തുന്ന ഒരു കാര്യമുണ്ട്, ക്യാപ്റ്റന്‍ വിരാട് കോഹ്ലിയുടെ ഫോം. പരമ്പരയില്‍ ഇതുവരെ 62 റണ്‍സ് മാത്രമേ വിരാട് കോഹ്ലി സ്‌കോര്‍ ചെയ്തിട്ടുള്ളൂ. ഓഫ് സ്റ്റമ്പിന് പുറത്തേക്കു പോകുന്ന പന്തുകളില്‍ ഔട്ടാകുന്നതും കോഹ്ലി ശീലമാക്കുന്നു. ഈ സാഹചര്യത്തില്‍ കോഹ്ലിയുടെ ശരിക്കുള്ള പ്രശ്‌നം എന്തെന്ന് ക്രിക്കറ്റ് ഇതിഹാസം സച്ചിന്‍ ടെണ്ടുല്‍ക്കര്‍ പറയുന്നു.
വിരാടിന് മികച്ച തുടക്കമല്ല ലഭിച്ചത്. ബാറ്റിംഗ് നന്നായി ആരംഭിക്കാന്‍ സാധിച്ചില്ലെങ്കില്‍ ഒരുപാട് കാര്യങ്ങള്‍ ചിന്തയില്‍ വരും. മനസാണ് ശരിക്കും സാങ്കേതിക പ്രശ്‌നങ്ങളിലേക്ക് നയിക്കുന്നത്. കാരണം അമിതമായ ആകാംക്ഷ ക്രീസിലെ ചലനങ്ങളെ ബാധിക്കും. ബാറ്റ്‌സ്മാന്‍ നല്ല ഫോമിലല്ലെങ്കില്‍ പന്തില്‍ ആവശ്യമില്ലാതെ ബാറ്റ്‌വെയ്ക്കുകയും പാദങ്ങള്‍ അനക്കാതെ ഷോട്ടു കളിക്കുകയും ചെയ്യും. എല്ലാവര്‍ക്കും അങ്ങനെ സംഭവിക്കുന്നതാണ്. മനസും ശരീരവും പൊരുത്തപ്പെടുന്നത് കൂടിയാണ് ഒരു ബാറ്റ്‌സ്മാന്റെ ഫോം-സച്ചിന്‍ പറഞ്ഞു.
Read more
രോഹിത്തിന്റെ കാര്യമെടുത്താല്‍ വിട്ടുകളയേണ്ട പന്തുകളെ വിട്ടുകളയുക തന്നെ ചെയ്തു. രോഹിത്തിന്റെ പ്രതിരോധവും ഉജ്ജ്വലമായിരുന്നു. സാഹചര്യങ്ങള്‍ക്ക് അനുസരിച്ച് കളിക്കാന്‍ പാകത്തില്‍ തന്റെ ബാറ്റിംഗ് ശൈലി മാറ്റാന്‍ കഴിയുമെന്ന് രോഹിത് തെളിയിച്ചതായും സച്ചിന്‍ കൂട്ടിച്ചേര്‍ത്തു.
