വമ്പന് പ്രതീക്ഷകളുടെ ട്വന്റി 20 ലോകകപ്പിനെത്തിയ പാകിസ്ഥാന്റെ ഭാവി തുലാസില്. തുടര്ച്ചയായ രണ്ടാം മത്സരത്തിലും തോല്വിയേറ്റ് വാങ്ങിയതോടെ ഇനി അടുത്ത റൗണ്ടിലേക്ക് കടക്കണമെങ്കില് മറ്റ് ടീമുകളുടെ ഫലത്തെ ആശ്രയിക്കേണ്ട ഗതിയിലാണ് പാക്കിസ്ഥാന് .
ഗ്രൂപ്പ് ബിയില് അഞ്ചാം സ്ഥാനത്തുള്ള രണ്ട് മത്സരങ്ങളും തോറ്റ നെതര്ലാന്ഡ്സ് മാത്രമാണ് റണ് റേറ്റിന്റെ വ്യത്യാസത്തില് പാകിസ്ഥാന് പിന്നിലുള്ളത്.
ബാബര് അസമും മുഹമ്മദ് റിസ്വാനും അടങ്ങുന്ന മികച്ച ബാറ്റിംഗ് നിരയും ഒപ്പം ഷഹീന് അഫ്രീദിയടെ നേതൃത്വത്തിലുള്ള ലോകോത്തരമായ ബൗളിംഗ് നിരയുമായി ലോകകപ്പിനെത്തിയ ടീം കിരീടം നേടുമെന്ന് പരക്കെ എല്ലാവരും വിശ്വസിക്കുന്നു. എന്നാല് ഈ മൂന്ന് പേരും നിരാശപെടുത്തിയതോടെ പാക്കിസ്ഥാന്റെ കാര്യം പരുങ്ങലിലായി.
ഇന്നലെ ദുര്ബലര് എന്ന് കണക്കാക്കിയ സിംബാവെക്ക് എതിരെ 131 റണ്സ് പോലും ചേസ് ചെയ്യാനാകാതെ പാക്ക് നിര കൂടാരം കയറിപ്പോള് അത് ആര്ക്കും വിശ്വസിക്കാന് പറ്റിയില്ല. ഇന്നിങ്ങ്സ് നങ്കൂരമിട്ട് കളിക്കാന് പറ്റിയ ഒരു താരം ഇല്ല എന്നതാണ് പാക്കിസ്ഥാന് സംഭവിക്കുന്ന വീഴ്ച്ച, ഇന്ത്യയോട് തോറ്റതിനെക്കാള് അപമാനമായ ഈ തോല്വിയില് നിന്ന് കുതിക്കണം എങ്കില് ദക്ഷിണാഫ്രിക്ക, ബംഗ്ലാദേശ് എന്നിവര്ക്ക് എതിരെ ഉള്ള ഒരു തോല്വി പോലും സെമി വാതില് അടക്കും എന്നതിനാല് ജീവന്മരണ പോരാട്ടങ്ങള്ക്ക് ആയിരിക്കും പാക്ക് ഇനി ഇറങ്ങുക.
Read more
എന്തായാലും കഴിഞ്ഞ വര്ഷ ലോകകപ്പിലെ ഇന്ത്യന് പതനം പാക്കിസ്ഥാന് ആഘോഷിച്ച പോലെ ഇന്ത്യന് ആരാധകര് ട്രോളുകളുമായി ആഘോഷിക്കുകയാണ് പാക്ക് തോല്വി. നെതര്ലെന്റ്സിനെ വെല്ലുവിളിക്കുന്ന പാക്കിസ്ഥാനും , എയറില് കണ്ടുമുട്ടുന്ന ബാബറും ബാവുമയും, ഗള്ഫിലെ റൂമില് പാക്കിസ്ഥാനിയെ കാണുന്ന കാഴ്ചയും ഒക്കെയായി നിറഞ്ഞാടുകയാണ് ഇന്ത്യന് ആരാധകര്. ഇന്ന് തന്നെ പിറന്ന ഇന്ത്യന് ജയവും ഇന്ത്യന് സന്തോഷത്തിന് കൂടുതല് മധുരമായി.