ഐപിഎല്ലില് ചെന്നൈ സൂപ്പര് കിംഗ്സിന്റെ പ്ലേഓഫ് സാധ്യതകള് തുലാസില് നില്ക്കെ ടീമിന് പിന്തുണയുമായി സുനില് ഗവാസ്കര്. സീസണില് എങ്ങനെ തിരിച്ചുവരണമെന്ന് അവര്ക്ക് നന്നായി അറിയാമെന്നും അത് മുന് സീസണുകളില് പലരും തെളിയിച്ചതാണെന്നും ഗവാസ്കര് പറഞ്ഞു.
ചെന്നൈ സൂപ്പര് കിംഗ്സിനു സീസണില് ഇനി ഒരുപാട് കാര്യങ്ങള് ചെയ്യേണ്ടതുണ്ട്. എങ്ങനെ തിരിച്ചുവരണമെന്ന് നന്നായി അറിയുന്ന ടീമാണ് സിഎസ്കെ. പക്ഷെ വളരെ വേഗത്തില് തന്നെ അവര്ക്കു കാര്യങ്ങളെല്ലാം മാറ്റിമറിക്കേണ്ടതുണ്ട്.’
‘കഴിഞ്ഞ വര്ഷത്തെ ഐപിഎല്ലില് കൊല്ക്കത്ത നൈറ്റ്റൈഡേഴ്സിനു എന്താണ് സംഭിച്ചതെന്നു നമ്മള് കണ്ടതാണ്. ടൂര്ണമെന്റിന്റെ ആദ്യപാദ മല്സരം ഇന്ത്യയില് നടന്നപ്പോള് കൊല്ക്കത്ത ചിത്രത്തില് പോലുമില്ലായിരുന്നു. പക്ഷെ യുഎഇയിലെ രണ്ടാം പാദത്തില് അവര് എല്ലം ജയിച്ച് ഒടുവില് ഫൈനല് വരെയെത്തുകയും ചെയ്തു. അതുകൊണ്ടു തന്നെ ഈ ടൂര്ണമെന്റില് കാര്യങ്ങള് വളരെ പെട്ടെന്നു മാറും’ ഗവാസ്കര് നിരീക്ഷിച്ചു.
Read more
നിലവില് 10 മത്സരങ്ങളില് നിന്ന് ആറ് പോയിന്റുമായി പോയിന്റെ പട്ടികയില് ഒന്പതാം സ്ഥാനത്താണ് സിഎസ്കെയുള്ളത്. കളിച്ച മത്സരങ്ങളില് ഏഴിലും പരാജയപ്പെട്ടപ്പോള് മൂന്നെണ്ണത്തില് മാത്രമാണ് അവര്ക്ക് ജയിക്കാനായത്. ശേഷിക്കുന്ന നാല് മത്സരങ്ങളില് എല്ലാം മികച്ച ജയം നേടാനായാലേ ചെന്നൈയ്ക്ക് എന്തേലും പ്രതീക്ഷയുള്ളു.