ഹൈദരാബാദ് ഐ.പി.എല്ലിലെ ഏറ്റവും ശക്തി കുറഞ്ഞ ടീം; തുറന്നടിച്ച് ഡിവില്ലിയേഴ്‌സ്

ഐ.പി.എല്ലിലെ മറ്റ് ടീമുകളെ അപേക്ഷിച്ച് ഏറ്റവും ശക്തി കുറഞ്ഞ ടീം സണ്‍റൈസേഴ്‌സ് ഹൈദരാബാദാണെന്ന് റോയല്‍ ചലഞ്ചേഴ്‌സ് ബാംഗ്ലൂരിന്റെ ഹിറ്റ് ബാറ്റ്‌സ്മാന്‍ എബി ഡിവില്ലിയേഴ്‌സ്. ഹൈദരാബാദിന് മേല്‍ ആധിപത്യം നേടാമെന്ന് ഉറപ്പുണ്ടെന്നും അതിന് മികച്ച കൂട്ടുകെട്ടുകള്‍ ആവശ്യമാണെന്നും ഡിവില്ലിയേഴ്‌സ് പറഞ്ഞു.

“ഹൈദരാബാദിനെതിരായ കളി ഞാന്‍ എപ്പോഴും ആസ്വദിക്കുന്നു. അവരുടെ കഴിവ് ഉപയോഗിച്ച് നമ്മെ വെല്ലുവിളിക്കുന്നു. എല്ലായ്പ്പോഴും സ്മാര്‍ട്ട് ആണ് അവര്‍. ചില കൂട്ടുകെട്ടുകള്‍ നമുക്ക് ഉയര്‍ത്താനാവണം. അതിന് സാധിച്ചാല്‍ ഞങ്ങള്‍ക്ക് ആധിപത്യം പുലര്‍ത്താനാവും.”

IPL 2021: SunRisers Hyderabad (SRH) - Full Schedule, Venues, Complete Squad, Previous Performances

“ഐ.പി.എല്ലിലെ മറ്റ് പല ടീമുകളെ പോലെയുള്ള ശക്തി ഹൈദരാബാദിനില്ല. അവര്‍ക്ക് മേല്‍ പിടി കിട്ടിയാല്‍ പിന്നെയൊരു തിരിച്ചുവരവിന് അവര്‍ക്ക് അവസരം കൊടുക്കരുത്. കാരണം ആ മേഖലയിലാണ് അവര്‍ ഏറ്റവും അപകടകാരികള്‍” ഡി വില്ലിയേഴ്സ് പറഞ്ഞു.

IPL 2020, SRH vs RCB Eliminator preview: Form, squads, head-to-head, big battles and more

ഐ.പി.എല്ലില്‍ ഇന്ന് നടക്കുന്ന മത്സരത്തില്‍ റോയല്‍ ചലഞ്ചേഴ്സ് ബാംഗ്ലൂര്‍ സണ്‍റൈസേഴ്സിനെ നേരിടും. ആദ്യ മത്സരത്തില്‍ ജയിച്ചതിന്റെ ആത്മവിശ്വാസത്തില്‍ ബാംഗ്ലൂര്‍ ഇറങ്ങുമ്പോള്‍ ആദ്യ ജയം തേടിയാണ് ഹൈദരാബാദ് ഇറങ്ങുന്നത്. സീസണിലെ ആദ്യ മത്സരത്തില്‍ ഹൈദരാബാദ് കൊല്‍ക്കത്തയോട് തോറ്റിരുന്നു.