ക്രിക്കറ്റ് കളത്തിലെ വീറുറ്റ പോരാളിയായിരുന്നു മലയാളി പേസര്‍ എസ്.ശ്രീശാന്ത്. ചൂടന്‍ സ്വഭാവം ശ്രീശാന്തിന് നൊമ്പരങ്ങളും സമ്മാനിച്ചിട്ടുണ്ട്. അത്തരത്തിലൊന്നാണ് ഓഫ് സ്പിന്നര്‍ ഹര്ഭജന് സിംഗ് ശ്രീശാന്തിനെ തല്ലിയത്. വര്‍ഷങ്ങള്‍ക്കുശേഷം ആ സംഭവം വീണ്ടും ആരാധകരുടെ ഓര്‍മ്മയിലെത്തി.
ഫെയ്‌സ്ബുക്കില്‍ കഴിഞ്ഞ ദിവസം ഹര്ഭജന് ഒപ്പമുള്ള ചിത്രം ശ്രീശാന്ത് പങ്കുവച്ചതാണ് കരണത്തടി സംഭവത്തെ വീണ്ടും ശ്രദ്ധയില്‍കൊണ്ടുവന്നത്. ചിത്രത്തിന് ലഭിച്ച കമന്റുകളുടെ കൂട്ടത്തില്‍ ‘ ആ കരണത്തടി ഓര്‍മ്മയുണ്ടോ എന്ന’ ചോദ്യം ഉയര്‍ന്നു. പഴയ ഐപിഎല്‍ കാലം നിങ്ങള്‍ ഓര്‍ക്കുന്നുണ്ടോയെന്നും ആരാധകരിലൊരാള്‍ ചോദിക്കുന്നുണ്ട്.
2008ലാണ് ഇന്ത്യന്‍ ക്രിക്കറ്റിനെ പിടിച്ചുകുലുക്കിയ സ്ലാപ്‌ഗേറ്റ് സംഭവം. കിംഗ്‌സ് ഇലവന്‍ പഞ്ചാബിന്റെ താരമായിരുന്ന ശ്രീശാന്തിനെ മുംബൈ ഇന്ത്യന്‍സിന്റെ ഹര്ഭജന് മത്സരശേഷം കരണത്തടിക്കുകയായിരുന്നു. ശ്രീയെ ഹര്ഭജന് കൈമുട്ടുകൊണ്ട് ഇടിക്കുകയും ചെയ്തു. പൊട്ടിക്കരയുന്ന ശ്രീശാന്തിന്റെ ചിത്രം അന്ന് വലിയ വിവാദത്തിന് വഴിയൊരുക്കി. ശ്രീശാന്തിനെ തല്ലിയതിന്റെ പേരില്‍ ഹര്‍ഭജനെ ടൂര്‍ണമെന്റിന്റെ അവശേഷിക്കുന്ന മത്സരങ്ങളില്‍ നിന്ന് വിലക്കിയിരുന്നു. ശ്രീയും ഭാജിയും തമ്മിലെ സൗഹൃദം ഉലയാന്‍ സംഭവം കാരണമായില്ലെന്നത് മറ്റൊരു കാര്യം.
Read more
