ധാക്ക: മാന്യന്മാരുടെ കളി എന്നറിയപ്പെടുന്ന ക്രിക്കറ്റില്‍ നിന്നും വീണ്ടും മോശം വാര്‍ത്തകള്‍. അപ്പീല്‍ നിരസിച്ചസിച്ചതിന് അമ്പയര്‍ക്കെതിരെ മുതിര്‍ന്ന താരം ഷാക്കിബ് അല്‍ ഹസന്‍ പൊട്ടിത്തെറിച്ചതാണ് വിവാദമാണ്. ധാക്ക ഡൈനാമൈറ്റ്‌സ്-കോമില്ല വിക്ടോറിയന്‍സ് മത്സരത്തിനിടെയായിരുന്നു സംഭവം.
വിക്ടോറിയന്‍സ് താരമായ ഇമ്രു കൈസിനെതിരായ എല്‍ബിഡബ്ല്യു അപ്പീല്‍ അമ്പയര്‍ നരസിച്ചപ്പോഴായിരുന്നു ഷാക്കിബിന്റെ രോഷപ്രകടനം. ആ സമയം വിക്ടോറിയന്‍സിന് ജയിക്കാന്‍ 68 പന്തില്‍ 74 റണ്‍സായിരുന്നു വേണ്ടിയിരുന്നത്.
അമ്പയറോടുള്ള മോശം പെരുമാറ്റത്തിന് ഷാക്കിബിന് മാച്ച് ഫീയുടെ 50 ശതമാനം പിഴയായി ഒടുക്കേണ്ടിവന്നു. ഒപ്പം മൂന്ന് ഡീ മെറിറ്റ് പോയന്റുകളും ഷാക്കിബിനെതിരെ ചുമത്തി. നാലു ഡീ മെറിറ്റ് പോയന്റുകളായാല്‍ ഷാക്കിബിന് ഒറു മത്സര വിലക്ക് വരും. ഇതിന്റെ ദൃശ്യങ്ങളും പുറത്ത് വന്നിട്ടുണ്ട്
ബംഗ്ലാദേശ് പ്രീമിയര്‍ ലീഗില്‍ ഡൈനാമൈറ്റ്‌സിനായി ഈ സീസണില്‍ ഏറ്റവും കൂടുതല്‍ വിക്കറ്റെടുത്തത് ഷക്കീബാണ്.
Read more
