ഐപിഎല് ആവേശകരമായി പുരോഗമിക്കവെ സണ്റൈസസ് ഹൈദരാബാദിന്റെ ബംഗ്ലാദേശി ഓള് റൗണ്ടര് ഷാക്കിബ് അല് ഹസന്റെ ഒരു തീരുമാനത്തില് അമ്പരന്നിരിക്കുകയാണ് ക്രിക്കറ്റ് ലോകം. ദേശീയ ക്യാമ്പിലേക്കുളള വിളി തള്ളി ഐപിഎല് പൂര്ത്തിയാകും വരെ ഹൈദരാബാദിനായി കളിക്കാനാണ് ഷാക്കിബിന്റെ തീരുമാനം.
അയര്ലന്ഡില് നടക്കുന്ന ത്രിരാഷ്ട്ര പരമ്പരയ്ക്ക് മുന്നോടിയായുള്ള തയ്യാറെടുപ്പുകള്ക്ക് വേണ്ടി ഈ മാസം 23 ന് നാട്ടിലെത്താന് ബംഗ്ലാദേശ് ക്രിക്കറ്റ് ബോര്ഡ് ഷാക്കിബിനോട് ആവശ്യപ്പെട്ടിരുന്നു. എന്നാല് ഇക്കാര്യം ഷാക്കിബ് തള്ളുകയായിരുന്നു.
ഇതോടെ ഗത്യന്തരമില്ലാതെ ഐപിഎല്ലില് തുടരാന് അവരുടെ സ്റ്റാര് ഓള്റൗണ്ടര്ക്ക് ബംഗ്ലാദേശ് ക്രിക്കറ്റ് ബോര്ഡ് അനുമതി നല്കിയിരിക്കുകയാണ്.
Read more
ഷാക്കിബിന്റെ തീരുമാനം സണ്റൈസസ് ഹൈദ്രാബാദിന് വലിയ ആശ്വാസമാണ് നല്കുക. ലോക കപ്പ് മുന്നൊരുക്കങ്ങള്ക്ക് വേണ്ടി ജോണി ബെയര്സ്റ്റോവും, ഡേവിഡ് വാര്ണറും അടുത്തു തന്നെ ഹൈദരാബാദ് ടീം വിടും. ഈ വിടവ് നികത്താന് ഷാക്കിബിനെ ഉപയോഗിക്കാനാകുമെന്ന ആത്മവിശ്വാസത്തിലാണ് ഹൈദരാബാദ് മാനേജുമെന്റ്.