റോഡ് സേഫ്റ്റി ലോക ടി20 ടൂര്ണമെന്റിന് ഇന്ന് കൊടിയേറും. റായ്പൂരില് നടക്കുന്ന ഉദ്ഘാടന മത്സരത്തില് സച്ചിന് ടെണ്ടുല്ക്കര് നയിക്കുന്ന ഇന്ത്യന് ലെജന്ഡ്സ്, മൊഹമ്മദ് റഫീഖ് നയിക്കുന്ന ബംഗ്ലാദേശ് ലെജന്ഡ്സിനെ നേരിടും.
റായ്പൂരില് പുതുതായി നിര്മ്മിച്ച ഷഹീദ് വീര് നാരായണ് സിംഗ് രാജ്യാന്തര ക്രിക്കറ്റ് സ്റ്റേഡിയമാണ് മത്സരങ്ങള്ക്ക് വേദിയാകുന്നത്. വൈകിട്ട് 7 മണിക്ക് ആരംഭിക്കുന്ന മത്സരം കളേഴ്ഴ്സ് സിനിപ്ലക്സ്, കളേഴ്സ് കന്നഡ സിനിമ, ഡിഡി സ്പോര്ട്സ് ചാനലുകളിലൂടെ തത്സമയം കാണാം.
സച്ചിന് ടെണ്ടുല്ക്കര്, വീരേന്ദര് സെവാഗ്, യുവരാജ് സിംഗ്, മൊഹമ്മദ് കൈഫ്, സഹീര് ഖാന് തുടങ്ങിയ വന് താരനിരയാണ് ടൂര്ണമെന്റില് ഇന്ത്യയ്ക്കായി അണിനിരക്കുന്നത്. ഇന്ത്യയ്ക്കും ബംഗ്ലാദേശിനും പുറമേ വെസ്റ്റിന്ഡീസ്, ദക്ഷിണാഫ്രിക്ക, ഇംഗ്ലണ്ട്, ശ്രീലങ്ക എന്നിവരുടെ ലെജന്ഡ്സ് ടീമുകളും റോഡ് സേഫ്റ്റി സീരീസില് കളിക്കും.
Read more
ഇന്ത്യന് ലെജന്ഡ്സ് ടീം: സച്ചിന് ടെണ്ടുല്ക്കര്, വീരേന്ദര് സെവാഗ്, യുവരാജ് സിംഗ്, മൊഹമ്മദ് കൈഫ്, യൂസഫ് പത്താന്, നമാന് ഓജ, സഹീര് ഖാന്, പ്രഗ്യാന് ഓജ, നോയല് ഡേവിഡ്, മുനാഫ് പട്ടേല്, ഇര്ഫാന് പത്താന്, മന്പ്രീത് ഗോണി.