പാര്‍ലമെന്റ് തെരഞ്ഞെടുപ്പ്: അടുത്ത വര്‍ഷം ഐപിഎല്‍ കടല്‍കടക്കും

അടുത്ത വർഷം എെപിഎൽ വിദേശത്ത് നടത്തുമെന്നു റിപ്പോർട്ട്. ഇ​ന്ത്യ​യി​ൽ പാ​ർ​ല​മെ​ന്‍റ് തെ​ര​ഞ്ഞെ​ടു​പ്പ് ന​ട​ക്കു​ന്ന സാഹചര്യത്തിലാണ് രാജ്യത്തിനു പുറത്തേക്ക് എെപിഎല്ലിന്റെ വേദി മാറ്റാനായി ആലോചിക്കുന്നത്. ടൈം​സ് ഓ​ഫ് ഇ​ന്ത്യയാണ് ഇക്കാര്യം റിപ്പോർട്ട് ചെയ്തത്. അ​ടു​ത്ത പാ​ർ​ല​മെ​ന്‍റ് തെ​ര​ഞ്ഞെ​ടു​പ്പ് 2019ലെ ഏ​പ്രി​ൽ- മേ​യ് മാ​സത്തിലായിരിക്കും നടക്കുക. ഇതേ സമയം തന്നെയാണ് സാധാരണ എെപിഎൽ നടത്തുന്നത്. അതു കൊണ്ട് ദ​ക്ഷി​ണാ​ഫ്രി​ക്കയിൽ വച്ച് എെപിഎൽ നടത്താന്നാണ്ബിസിസിഎെ ആലോചിക്കുന്നത്.

ഇതിനു മുമ്പ് ദ​ക്ഷി​ണാ​ഫ്രി​ക്ക 2009 ൽ എെപിഎൽ വേ​ദി​യാ​യി​രു​ന്നു. ഇം​ഗ്ല​ണ്ടിനെ മറികടന്നാണ് അന്ന് ദ​ക്ഷി​ണാ​ഫ്രി​ക്ക എെപിഎൽ മത്സരങ്ങൾക്ക് വേദിയായി മാറിയത്. ഇതു കൂടാതെ 2014ൽ ആ​ദ്യ ര​ണ്ടാ​ഴ്ച​യി​ലെ ഐ​പി​എ​ൽ മ​ത്സ​ര​ങ്ങ​ൾ യു​എ​ഇ​യി​ലാണ് നടത്തിയത്. ആ വർഷം ​ലോ​ക്സ​ഭാ തെ​ര​ഞ്ഞെ​ടു​പ്പ് നടക്കുന്ന സാഹചര്യം പരിഗണിച്ചായിരുന്നു ഇത്. പിന്നീട് മത്സരങ്ങൾ ഇ​ന്ത്യ​യി​ലേ​ക്കു ത​ന്നെ മാ​റ്റിയിരുന്നു.

ദ​ക്ഷി​ണാ​ഫ്രി​ക്ക​യി​ലും തെ​ര​ഞ്ഞെ​ടു​പ്പ് ന​ട​ക്കുന്ന സമയമാണ് ഏ​പ്രി​ൽ മേ​യ് മാ​സമെന്നത് എെപിഎൽ നടത്തുന്നതിനു ബി​സി​സി​ഐ​ക്കു വെല്ലുവിളിയാണ്. ഇതു കൂടാതെ ലോ​ക​ക​പ്പി​ന്‍റെ മ​ത്സ​ര​ക്ര​മം കൂടി പരിഗണിക്കും. ബി​സി​സി​ഐ വേ​ദി മാ​റ്റു​ന്ന കാര്യത്തിൽ തീ​രു​മാ​നം എടുത്തിട്ടില്ല. ധാരാളം സമയമുള്ളതിനാൽ ഇക്കാര്യമെല്ലാം പരിഗണിച്ചു മാത്രമേ ബി​സി​സി​ഐ വിഷയത്തിൽ തീരുമാനം എടുക്കൂ.