ഐപിഎല്ലില്‍ പ്ലേ ഓഫ് സാധ്യത നിലനിര്‍ത്താന്‍ ഉന്നമിടുന്ന പഞ്ചാബ് കിങ്‌സ്, മുംബൈ ഇന്ത്യന്‍സിനെതിരായ മത്സരത്തില്‍ ആറ് വിക്കറ്റിന് 135 എന്ന സ്‌കോര്‍ കുറിച്ചു. രണ്ട് വിക്കറ്റ് വീതം പിഴുത പേസര്‍ ജസ്പ്രീത് ബുംറയും ഓള്‍ റൗണ്ടര്‍ കെയ്‌റണ്‍ പൊള്ളാര്‍ഡുമാണ് മുംബൈ ഇന്ത്യന്‍സിന്റെ ബോളിംഗ് ആക്രമണത്തെ നയിച്ചത്.
ടോസ് നേടി ഫീല്‍ഡിംഗ് തെരഞ്ഞെടുത്ത മുംബൈയുടെ തീരുമാനം ഏറെക്കുറെ ശരിയായി എന്ന് കണക്കാക്കാം. 29 പന്തില്‍ ആറ് ഫോറുകള്‍ സഹിതം 42 റണ്‍സെടുത്ത് എയ്ദന്‍ മര്‍ക്രാം മാത്രമേ മുംബൈ ബോളര്‍മാരെ അല്‍പ്പമെങ്കിലും വെല്ലുവിളിച്ചുള്ളൂ. പഞ്ചാബി ക്യാപ്റ്റന്‍ കെ.എല്‍.രാഹുല്‍ (21), ദീപക് ഹൂഡ (28), മന്‍ദീപ് സിംഗ് (15), ഹര്‍പ്രീത് ബ്രാര്‍ (14*) എന്നിവരും രണ്ടക്കം കടന്നു.
Read more
വിന്‍ഡീസ് വെടിക്കെട്ട് വീരന്മാരായ ക്രിസ് ഗെയ്‌ലും (1) നിക്കോളസ് പൂരനും (2) നിറംമങ്ങിയത് പഞ്ചാബ് കിങ്‌സിന് തിരിച്ചടിയായി. മുംബൈ ബോളര്‍മാരില്‍ ക്രുണാല്‍ പാണ്ഡ്യക്കും രാഹുല്‍ ചഹാറിനും ഓരോ വിക്കറ്റ് വീതം സ്വന്തമായി.
