ഇംഗ്ലീഷ് ക്ലബ്ബ് മാഞ്ചസ്റ്റര്‍ സിറ്റിക്കെതിരായ ചാമ്പ്യന്‍സ് ലീഗ് മത്സരത്തിനിടെ ഫ്രീ കിക്ക് തടയാന്‍ സൂപ്പര്‍ താരം ലയണല്‍ മെസിയെ ഗ്രൗണ്ടില്‍ കിടത്തിയ ഫ്രഞ്ച് ടീം പിഎസ്ജിയെ വിമര്‍ശിച്ച് ആരാധകരും ഫുട്‌ബോള്‍ വിദഗ്ധരും. മെസിയെ പോലൊരു മഹാപ്രതിഭയെ അപമാനിക്കുകയാണ് പിഎസ്ജി ചെയ്തതെന്ന് ഫുട്‌ബോള്‍ പണ്ഡിതര്‍ കുറ്റപ്പെടുത്തി.
മാഞ്ചസ്റ്റര്‍ സിറ്റിയുമായുള്ള കളിയുടെ അന്ത്യനിമിഷങ്ങളിലായിരുന്നു സംഭവം. കളത്തിന്റെ അപകടകരമായ പൊസിഷനില്‍ സിറ്റിക്ക് ഒരു ഫ്രീ കിക്ക് ലഭിച്ചു. കിക്കെടുക്കാന്‍ എത്തിയത് താരം റിയാദ് മെഹ്‌റസ്. ഫ്രീ കിക്ക് തടുക്കാന്‍ അണിനിരത്തിയ താരങ്ങളുടെ കാലുകള്‍ക്കിടയിലൂടെ നിലംപറ്റെയുള്ള ഷോട്ടിലൂടെ മെഹ്‌റസ് സ്‌കോര്‍ ചെയ്യുമെന്ന് ഭയന്ന പിഎസ്ജി മെസിയെ പ്രതിരോധ മതിലിന് പിന്നിലായി നിലത്തു കിടത്തുകയായിരുന്നു.
Read more
മെസിയുടെ മൂല്യത്തെ മതിക്കാത്ത പിഎസ്ജിയെ ഇംഗ്ലണ്ടിന്റെ മുന്‍ ഡിഫന്‍ഡര്‍ റിയോ ഫെര്‍ഡിനന്റ്, മുന്‍ മിഡ്ഫീല്‍ഡര്‍ ഓവന്‍ ഹാര്‍ഗ്രീവസ് എന്നിവര്‍ അടക്കമുള്ളവരാണ് വിമര്‍ശിച്ചത്. മത്സരത്തില്‍ സിറ്റിയെ പിഎസ്ജി എതിരില്ലാത്ത രണ്ടു ഗോളുകള്‍ക്ക് തോല്‍പ്പിച്ചപ്പോള്‍ ഒരെണ്ണം മെസിയുടെ വകയായിരുന്നു.
