ഇന്ത്യയോട് അങ്ങനെ പറയാന്‍ ആരും ധൈര്യപ്പെടില്ല, യാഥാര്‍ത്ഥ്യം വെളിപ്പെടുത്തി ഓസീസ് താരം

ഇന്ത്യന്‍ പര്യടനത്തില്‍ നിന്ന് പിന്മാറാന്‍ ലോകത്തെ ഒരു ക്രിക്കറ്റ് ടീമും തയാറാവില്ലെന്നും പണക്കിലുക്കമാണ് അതിനു കാരണമെന്നും ഓസ്‌ട്രേലിയന്‍ ബാറ്റ്‌സ്മാന്‍ ഉസ്മാന്‍ ഖവാജ. സുരക്ഷാ കാരണങ്ങളാല്‍ പാകിസ്ഥാന്‍ പര്യടനത്തില്‍ നിന്ന് ന്യൂസിലന്‍ഡും ഇംഗ്ലണ്ടും പിന്മാറിയ സാഹചര്യത്തിലാണ് ഖവാജയുടെ പ്രതികരണം.

സുരക്ഷയുടെ പേരില്‍ പാകിസ്ഥാനിലെയും ബംഗ്ലാദേശിലെയും പര്യടനങ്ങള്‍ വേണ്ടെന്നുവയ്ക്കാന്‍ മറ്റ് ടീമുകള്‍ക്ക് എളുപ്പമാണ്. എന്നാല്‍ അതേ കാരണത്താല്‍ ഇന്ത്യാ പര്യടനം ഉപേക്ഷിക്കാന്‍ ആരും തുനിയില്ല. അപ്പോള്‍ പണമാണ് കാര്യങ്ങള്‍ തീരുമാനിക്കുന്നത്- ഖവാജ പറഞ്ഞു.

പാക്കിസ്ഥാനോട് നോ പറയാന്‍ അനായാസമാണ്. കാരണം അതു പാക്കിസ്ഥാനാണ്. ബംഗ്ലാദേശിനോടും അങ്ങനെ ചെയ്യും. എന്നാല്‍ സമാന സാഹചര്യത്തില്‍ ഇന്ത്യയോട് പര്യടനത്തിന് പറ്റില്ലെന്ന് പറയാന്‍ ഒരു ടീമും ധൈര്യപ്പെടില്ലെന്നും സാമ്പത്തിക താല്‍പര്യങ്ങള്‍ അതിനെ സ്വാധീനിക്കുമെന്നും ഖവാജ ചൂണ്ടിക്കാട്ടി.