ഐപിഎല്‍ 15ാം സീസണ്‍ അതിന്റെ അവസാന ദിനങ്ങളിലേക്ക് എത്തിനില്‍ക്കവേ ഈ സീസണിലെ മികച്ച പ്ലെയിംഗ് ഇലവനെ തിരഞ്ഞെടുത്ത് മുഹമ്മദ് കൈഫ്. പ്രമുഖ ഇന്ത്യന്‍ താരങ്ങളെയെല്ലാം ഒഴിവാക്കി ഒരു വ്യത്യസ്ത ടീമിനെയാണ് കൈഫ് തിരഞ്ഞെടുത്തിരിക്കുന്നത്. ഹാര്‍ദ്ദിക് പാണ്ഡ്യ, സഞ്ജു സാംസണ്‍, ദിനേശ് കാര്‍ത്തിക്, സൂര്യകുമാര്‍ യാദവ് തുടങ്ങിയ യുവതാരങ്ങളും ടീമിലിടം പിടിച്ചില്ല.
റണ്‍വേട്ടയില്‍ ഈ സീസണിലെ ഒന്നും രണ്ടും സ്ഥാനക്കാരായ രാജസ്ഥാന്റെ ജോസ് ബട്ടലറും, ലഖ്‌നൗ നായകന്‍ കെഎല്‍ രാഹുലുമാണ് ടീമിലെ ഓപ്പണര്‍മാര്‍. രാഹുല്‍ തന്നെയാണ് കൈഫിന്റെ ടീമിന്റെ നായകനും. മൂന്നാം നമ്പരില്‍ ഡല്‍ഹിയുടെ ഡേവിഡ് വാര്‍ണര്‍ക്കാണ് കൈഫ് അവസരം നല്‍കിയിരിക്കുന്നത്.
നാലാം നമ്പറില്‍ ഹൈദരാബാദിന്റെ രാഹുല്‍ ത്രിപാഠിയെയാണ് കൈഫ് പരിഗണിച്ചത്. സണ്‍റൈസേഴ്സ് ഹൈദരാബാദിനായി സ്ഥിരതയോടെ കളിച്ച താരം സീസണില്‍ മികച്ചുനിന്നു. അഞ്ചാമനായി പഞ്ചാബ് കിംഗ്സിന്റെ ലിയാം ലിവിംഗ്സ്റ്റനാണ്. ഇത്തവണ വെടിക്കെട്ട് ബാറ്റിംഗ് പ്രകടനം കൊണ്ട് താരം കളംനിറഞ്ഞിരുന്നു.
ആറാമനായി കെകെആറിന്റെ ആന്ദ്രെ റസലാണ് ഇടംപിടിച്ചത്. ഇത്തവണ കെകെആര്‍ നിരാശപ്പെടുത്തിയെങ്കിലും ഓള്‍റൗണ്ട് റോളില്‍ റസല്‍ മികച്ചുനിന്നിരുന്നു. ഗുജറാത്തിന്റെ റാഷിദ് ഖാനും രാജസ്ഥാന്റെ യുസ്‌വേന്ദ്ര ചപഹലുമാണ് ടീമിലെ സ്പിന്നര്‍മാര്‍. ഉമ്രാന്‍ മാലിക്, ജസ്പ്രീത് ബുംറ, മുഹമ്മദ് ഷമി എന്നിവരാണ് പേസ് നിരയില്‍.
Read more
കൈഫിന്റെ പ്ലെയിംഗ് 11: ജോസ് ബട്ട്‌ലര്‍, കെ എല്‍ രാഹുല്‍, ഡേവിഡ് വാര്‍ണര്‍, രാഹുല്‍ ത്രിപാഠി, ലിയാം ലിവിംഗ്സ്റ്റന്‍, ആന്ദ്രെ റസല്‍, റാഷിദ് ഖാന്‍, യുസ്‌വേന്ദ്ര ചഹല്‍, ഉമ്രാന്‍ മാലിക്, ജസ്പ്രീത് ബുംറ, മുഹമ്മദ് ഷമി.
