ഇന്ത്യന് ക്യാപ്റ്റന് വിരാട് കോഹ്ലിയുമായുള്ള കലഹത്തെ തുടര്ന്ന് ടീം ഇന്ത്യയുടെ പരിശീലക സ്ഥാനത്ത് നിന്നും കുംബ്ലെ തെറിച്ചത് ക്രിക്കറ്റ് ലോകത്ത് ഏറെ ചര്ച്ചയായിരുന്നു. ഇന്ത്യന് ക്രിക്കറ്റ് ടീമിലുള്ള താരാധിപത്യത്തിന്റെ അവസാന ഇരയാണ് കുംബ്ലെയന്നായിരുന്നു പരിശീലക സ്ഥാനത്ത് നിന്നും പടിയിറങ്ങുമ്പോള് ഇന്ത്യയുടെ ഇതിഹാസ ബോളറെ കുറിച്ച് വാര്ത്തകള് വന്നിരുന്നത്. കോഹ്ലിയുമായുള്ള പിണക്കമാണ് തന്റെ സ്ഥാനം തെറിച്ചതെന്ന് കുംബ്ലെ ഫെയ്സ്ബുക്കിലൂടെ വ്യക്തമാക്കുകയും ചെയ്തതോടെ ക്രിക്കറ്റ് ലോകത്ത് താരധിപത്യത്തെ കുറിച്ച് വീണ്ടും ചര്ച്ചകളുയര്ന്നു.
കടുത്ത പരിശീലന മുറകളും ടീമിന്റെ ഹെഡ്മാസ്റ്റര് ചമയലുമാണ് കുംബ്ലെയ്ക്കെതിരേ കോഹ്ലി പരസ്യമായി രംഗത്തുവരാന് കാരണമായത്. പിന്നീട്, കോഹ്ലിയും കുംബ്ലെയും വൈരം കാത്തുസൂക്ഷിക്കുന്നുണ്ടെന്ന് ക്രിക്കറ്റ് പാപ്പരാസികള് അടിച്ചിറക്കാന് തുടങ്ങിയതോടെ കാര്യങ്ങള് ആരാധകര് പ്രതീക്ഷിക്കുന്നതിലും അപ്പുറമായി.
എന്നാല്, പിണക്കമെല്ലാം മറന്ന് വിരാട് കോഹ്ലി അനുഷ്ക്ക വിവാഹ സല്ക്കാരത്തിന് കുംബ്ലെയും കുടുംബവും എത്തിയതാണ് ക്രിക്കറ്റ് ആരാധകരെ സന്തോഷത്തിലാക്കിയിരിക്കുന്നത്. ഇരു താരങ്ങളും അകന്നുവെന്നുള്ള പാപ്പരാസികളുടെ പ്രചരണത്തിന് ചുട്ടമറുപടിയാണ് കുംബ്ലെ മുംബൈയില് നടന്ന വിരുഷ്ക്ക വിവാഹ സല്ക്കാരത്തില് പങ്കെടുത്തുകൊണ്ടു നല്കിയത്.
ഭാര്യ ചേതനയ്ക്കൊപ്പമാണ് മുംബൈയില് നടന്ന ചടങ്ങില് കുംബ്ലെ പങ്കെടുത്തത്. കളിയിലുള്ളത് കളിയിലാണെന്ന് വ്യക്തമാക്കി കോഹ്ലി കുംബ്ലെയെ ക്ഷണിച്ചതും ക്ഷണം സ്വീകരിച്ച് കുംബ്ലെ ചടങ്ങിനെത്തിയതും ക്രിക്കറ്റ് ലോകത്ത് പുതിയൊരു മാതൃകയാണെന്നാണ് ആരാധകര് പറയുന്നത്.
When you attend your ex's wedding….
Kumble legend!#VirushkaReception pic.twitter.com/PggyTAGbjG
— Kushal Phatarpekar (@kushalp06) December 26, 2017
Anil Kumble at #VirushkaReception
Because Humanity 1st 💖 💖@anilkumble1074 😘 😘 pic.twitter.com/5u6KfFwamm
— Pradip Hazra (@PradipMsd7) December 26, 2017
Read more
https://twitter.com/sreevani95/status/945712533767299072