ഹാമില്‍ട്ടണില്‍ ന്യൂസിലന്‍ഡിനെതിരെ ഇന്ത്യ ത്രില്ലര്‍ വിജയം നേടിയെങ്കില്‍ അതില്‍ അമിതമായി ആഹ്ലാദിക്കാന്‍ വിരാട് കോഹ്ലിയെന്ന നായകന്‍ തയ്യാറല്ല. മൂന്നാം ടി20യില്‍ ജയം അര്‍ഹിച്ചത് ന്യൂസിലന്‍ഡ് ആയിരുന്നെന്ന് മത്സരശേഷം കോഹ്ലി തുറന്ന് പറയുന്നു.
“വില്യംസണിന്റെ ഇന്നിംഗ്സ് കണ്ട് കോച്ചിനോട് ഞാന്‍ പറഞ്ഞിരുന്നു, അവര്‍ കളി ഫിനിഷ് ചെയ്യാന്‍ അര്‍ഹരാണെന്ന്. കാരണം വില്യംസണ്‍ മുമ്പില്‍ നിന്ന് നയിക്കുകയായിരുന്നു. വില്യംസണിന്റെ കാര്യത്തില്‍ എനിക്ക് സങ്കടമുണ്ട്. ഇതുപോലൊരു ഇന്നിംഗ്സ് കളിച്ചിട്ടും ജയിക്കാനാവുന്നില്ലെങ്കില്‍, ആ വേദന എന്താണെന്ന് എനിക്കറിയാം” കോഹ്ലി പറഞ്ഞു.
അതേസമയം ആദ്യ മൂന്ന് ട്വന്റി20യിലും പ്ലേയിംഗ് ഇലവനില്‍ ഉള്‍പ്പെടാതിരുന്നവര്‍ക്ക് പരിഗണന നല്‍കുമെന്നും കോഹ്ലി വ്യക്തമാക്കി.
“പരമ്പര 5-0ന് പരമ്പര ജയിക്കാനാണ് ശ്രമിക്കുക. വാഷിംഗ്ടണ്‍ സുന്ദര്‍, നവ്ദീപ് സെയ്നി എന്നിവരെ പോലെ കളിക്കാര്‍ പുറത്തിരിക്കുന്നുണ്ട്. കളിക്കാനിറങ്ങാന്‍ അവരും അര്‍ഹരാണ്. ഇനിയുള്ള രണ്ട് കളികളും ജയിക്കുകയാണ് ലക്ഷ്യം” കോഹ്ലി പറഞ്ഞു.
Read more
ഇനി പരമ്പരയില്‍ അവശേഷിക്കുന്നത് രണ്ട് മത്സരങ്ങളാണ്. ഇതാദ്യമായാണ് ഇന്ത്യ ന്യൂസിലന്‍ഡില്‍ ടി20 പരമ്പര നേടുന്നത്.
