ജഡേജ സി.എസ്.കെ വിടുന്നു, ഇൻസ്റ്റാഗ്രാമിൽ ചെന്നൈ 'ക്ലീൻ'; പുതിയ തട്ടകം ശത്രുപാളയമോ

രവീന്ദ്ര ജഡേജയും ചെന്നൈ സൂപ്പർ കിംഗ്‌സും (സിഎസ്‌കെ) തമ്മിലുള്ള ബന്ധം ഒരു ദശാബ്ദത്തോളമായി ഉള്ളതാണ്. ഓൾറൗണ്ടർ ടീമിന്റെ മാർക്വീ കളിക്കാരിലൊരാളാണ്, കൂടാതെ മെഗാ ലേലത്തിന് മുമ്പായി നിലനിർത്തിയ കളിക്കാരുടെ പട്ടികയിൽ ഏറ്റവും മുന്നിൽ ഉള്ളതും ജഡേജ തന്നെ ആയിരുന്നു. എന്നാൽ ഇന്ത്യൻ പ്രീമിയർ ലീഗിന്റെ (ഐ‌പി‌എൽ) 2022 സീസൺ അദ്ദേഹവും ഫ്രാഞ്ചൈസിയും തമ്മിലുള്ള ബന്ധത്തെ ബാധിച്ചതായി തോന്നുന്നു.

4 തവണ ഐപിഎൽ ചാമ്പ്യന്മാർ ജഡേജയുടെ നേതൃത്വത്തിൽ ഈ വർഷം അവരുടെ യാത്ര ആരംഭിച്ചു. എംഎസ് ധോണി ബാറ്റൺ കൈമാറാൻ തീരുമാനിക്കുകയും ടീമിലെ മുതിർന്ന കളിക്കാരിൽ ഒരാളായ മുൻ താരത്തിന് ഉത്തരവാദിത്തം നൽകുകയും ചെയ്തു. എന്നാൽ സിഎസ്‌കെക്ക് തുടർച്ചയായ തോൽവികൾ ഏറ്റുവാങ്ങിയതോടെ തുടക്കം വളരെ മോശമായി. ആകെ 10 ഗെയിമുകൾക്ക് ശേഷം, ജഡേജ ധോണിക്ക് നേതൃത്വം തിരികെ നൽകാൻ തീരുമാനിക്കുകയും സീസൺ അവസാനത്തോടെ പരിക്കേറ്റ് പുറത്താവുകയും ആയിരുന്നു.

ജഡേജയുടെ പെട്ടെന്നുള്ള പുറത്താകൽ അദ്ദേഹവും ഫ്രാഞ്ചൈസിയും തമ്മിൽ ഭിന്നതയുണ്ടാക്കുമെന്ന ഊഹാപോഹങ്ങൾക്കിടയാക്കി. എന്നിരുന്നാലും, ടീമിന്റെ ഉന്നതർ അന്നത്തെ റിപ്പോർട്ടുകൾ തള്ളിക്കളഞ്ഞു. ഇപ്പോഴിതാ മറ്റൊരു സംഭവം ആരാധകരെ അമ്പരപ്പിച്ചിരിക്കുകയാണ്.

സിഎസ്‌കെയുമായി ബന്ധപ്പെട്ട തന്റെ പഴയ ഇൻസ്റ്റാഗ്രാം പോസ്റ്റുകളെല്ലാം ജഡേജ ഡിലീറ്റ് ചെയ്തതായി റിപ്പോർട്ട്. സംഭവവികാസങ്ങൾ ആരാധകരെ ഞെട്ടിച്ചിരിക്കുകയാണ്. എന്നാൽ ഫ്രാഞ്ചൈസി അതിന്റെ ട്വിറ്റർ ഫീഡുകളിൽ ഓൾറൗണ്ടറെക്കുറിച്ച് ഇപ്പോഴും ട്വീറ്റ് ചെയ്യാറുണ്ട്. വെസ്റ്റ് ഇൻഡീസ് പര്യടനത്തിനുള്ള ഏകദിന ടീമിന്റെ വൈസ് ക്യാപ്റ്റനായി തിരഞ്ഞെടുക്കപ്പെട്ടതിന് അഭിനന്ദിച്ച് അവർ അദ്ദേഹത്തിന്റെ ഒരു ചിത്രം പോസ്റ്റ് ചെയ്തു.

നായക സ്ഥാനവുമായി ബന്ധപ്പെട്ട പ്രശ്നങ്ങൾ തന്നെ കാരണം ജഡേജ കൂടാരം മാറാനുള്ള സാധ്യത കൂടുതലാണെന്നും പറയപെടുന്നു . എന്നാൽ അങ്ങനെ ഇങ്ങനെ ഒന്നും ജഡേജ ചതിക്കില്ല എന്നതാണ് ചെന്നൈ ആരാധകർ പറയുന്നത്.