ന്യൂസിലന്‍ഡ് സൂപ്പര്‍ താരങ്ങളെ യു.എ.ഇയില്‍ നടക്കാനിരിക്കുന്ന ഐ.പി.എല്ലിന്റെ രണ്ടാം ഘട്ടത്തിലേക്ക് അയക്കുമെന്ന് ന്യൂസിലന്‍ഡ് ക്രിക്കറ്റ് ബോര്‍ഡ്. സെപ്റ്റംബര്‍-ഒക്ടോബര്‍ മാസങ്ങളില്‍ നടക്കുന്ന ഐ.പി.എല്ലില്‍ നിന്ന് പിന്മാറി ന്യൂസിലന്‍ഡ് പാകിസ്താന്‍ പര്യടനം നടത്തുമെന്ന റിപ്പോര്‍ട്ടുകള്‍ നിലനില്‍ക്കവേയാണ് താരങ്ങളെ വിട്ടുനല്‍കുമെന്ന് ബോര്‍ഡ് അറിയിച്ചിരിക്കുന്നത്.
“ന്യൂസിലന്‍ഡ് നായകന്‍ കെയ്ന്‍ വില്യംസണ്‍, ട്രെന്റ് ബോള്‍ട്ട്, ജെയിംസ് നീഷാം, ലോക്കി ഫെര്‍ഗൂസണ്‍ എന്നിവര്‍ പാകിസ്ഥാന്‍ പരമ്പരയ്ക്ക് പകരം യു.എ.ഇയില്‍ നടക്കുന്ന ഐ.പി.എല്‍ 2021ന്റെ രണ്ടാം ഘട്ടത്തില്‍ പങ്കെടുക്കും.” ന്യൂസിലന്‍ഡ് ക്രിക്കറ്റ് മേധാവി ഡേവിഡ് വൈറ്റ് അറിയിച്ചു.
ന്യൂസിലന്‍ഡ് താരങ്ങല്‍ എത്തുമെന്നത് ഐ.പി.എല്‍ ടീമുകള്‍ക്ക് ഏറെ ആശ്വാസം നല്‍കുന്ന വാര്‍ത്തയാണ്. സെപ്തംബര്‍ 19നാണ് ഐ.പി.എല്ലിന്റെ രണ്ടാം ഘട്ട മല്‍സരങ്ങള്‍ ആരംഭിക്കുന്നത്. ആദ്യ മല്‍സരത്തില്‍ മുംബൈ ഇന്ത്യന്‍സ് ചെന്നൈ സൂപ്പര്‍ കിംഗ്സുമായി ഏറ്റുമുട്ടും.
Read more
ദുബായ്, ഷാര്‍ജ, അബൂദബി എന്നിവിടങ്ങളിലായാണ് മല്‍സരങ്ങള്‍ നടക്കുന്നത്. 13 മല്‍സരങ്ങള്‍ ദുബായിലും 10 മല്‍സരങ്ങള്‍ ഷാര്‍ജ്ജയിലും എട്ട് മല്‍സരങ്ങള്‍ അബുദാബിയിലും നടക്കും.
