കൊല്ക്കത്ത നൈറ്റ് റൈഡേഴ്സിനെതിരായ വമ്പന് പരാജയത്തില് പ്രതികരണവുമായി രാജസ്ഥാന് റോയല്സ് നായകന് സഞ്ജു സാംസണ്. തോല്വിയില് പിച്ചിനെ കുറ്റം പറായാനാവില്ലെന്നും കൊല്ക്കത്ത മുന്നോട്ടുവെച്ച വിജയലക്ഷ്യം ഈ പിച്ചില് ചേസ് ചെയ്യാന് കഴിയുന്നതായിരുന്നെന്നും സഞ്ജു പറഞ്ഞു.
‘ഭേദപ്പെട്ട വിക്കറ്റായിരുന്നു ഇവിടത്തേത്. ന്യൂബോളില് താഴ്ന്നാണ് പിച്ച് ചെയ്ത് പന്ത് വന്നത് എങ്കിലും ഈ വിക്കറ്റില് 171 എന്നത് ചെയ്സ് ചെയ്യാന് പറ്റുന്നതാണ്. നല്ല തുടക്കം നേടുകയാണ് വേണ്ടിയിരുന്നത്. പവര്ഫുള് പവര്പ്ലേ ലഭിക്കണം. പ്ലാന് ചെയ്തത് അനുസരിച്ച് കാര്യങ്ങള് ചെയ്യണമായിരുന്നു. എന്നാല് അത് സാധിച്ചില്ല.’
‘ഈ സീസണ് മുഴുവനായി എടുത്ത് നോക്കിയാല് എത്രത്തോളം വെല്ലുവിളികളാണ് ഞങ്ങള് നേരിട്ടത് എന്ന് കാണാം. എളുപ്പം ജയിക്കാവുന്ന ചില കളികള് തോറ്റു. ചില ക്ലോസ് ഗെയിമുകളില് ജയിച്ചു. ഐപിഎല്ലില് മത്സരങ്ങള് ജയിക്കണം എങ്കില് മെച്ചപ്പെട്ട നിലവാരത്തില് കളിക്കേണ്ടതുണ്ട്’ സഞ്ജു പറഞ്ഞു.
Read more
ഇന്നലെ നടന്ന നിര്ണായക മത്സരത്തില് കൊല്ക്കത്ത നൈറ്റ് റൈഡേഴ്സിന് മുന്നില് സഞ്ജു സാംസനും സംഘവും 86 റണ്സിനാണ് കൊമ്പുകുത്തിയത്. ആദ്യം ബാറ്റ് ചെയ്ത കൊല്ക്കത്ത നാല് വിക്കറ്റ് നഷ്ടത്തില് 171 റണ്സ് അടിച്ചുകൂട്ടിയപ്പോള്, റോയല്സ് 16.1 ഓവറില് വെറും 85 റണ്സിന് ഓള് ഔട്ടായി.