ഐ.പി.എല്‍ 2021: കോഹ്‌ലിക്ക് പഠിക്കാന്‍ ഒരുങ്ങി മാക്‌സ്‌വെല്‍

ഐ.പി.എല്‍ പുതിയ സീസണില്‍ വിരാട് കോഹ്‌ലി നായകനായ ബാംഗ്ലൂര്‍ റോയല്‍ ചലഞ്ചേഴ്‌സിന്റെ ഭാഗമാകുന്നതിന്റെ സന്തോഷത്തിലാണ് ഓസീസ് ഓല്‍റൗണ്ടര്‍ ഗ്ലെന്‍ മാക്‌സ്‌വെല്‍. മികച്ച താരങ്ങളുടെ ക്യാപ്റ്റനായ കോഹ്‌ലിയില്‍ നിന്ന് ഒരുപാട് കാര്യങ്ങള്‍ പഠിച്ചെടുക്കണമെന്ന് വെളിപ്പെടുത്തിയിരിക്കുകയാണ് മാക്‌സ്‌വെല്‍.

“മികച്ച താരങ്ങളുടെ ക്യാപ്റ്റനാണ് കോഹ്‌ലി. ഇത്രയും വലിയൊരു വിശേഷണമുണ്ടായിട്ടും അതിന്റെ സമ്മര്‍ദ്ദം അതിജീവിക്കാന്‍ അദ്ദേഹത്തിനു കഴിയുന്നു എന്നത് വലിയ കാര്യമാണ്. ആര്‍.സി.ബിക്കൊപ്പമുള്ള പുതിയ ഐ.പി.എല്‍ സീസണ്‍ അടുത്ത ലെവലായിരിക്കും.”

“ആര്‍.സി.ബിയില്‍ കോഹ്‌ലിയുടെ രീതികള്‍ എങ്ങനെയാണെന്നു അടുത്തറിയണം. അദ്ദേഹത്തിന്റെ പരിശീലനവും തയ്യാറെടുപ്പുമെല്ലാം മനസ്സിലാക്കണം. ഇവയില്‍ നിന്നും പലതും പഠിക്കാനാവും. കൂടാതെ കോഹ്‌ലിയുടെ ക്യാപ്റ്റന്‍സിയെ കുറിച്ചും പലതും ആര്‍സിബിയില്‍ വെച്ച് പഠിക്കാന്‍ ശ്രമിക്കും” മാക്‌സ്‌വെല്‍ പറഞ്ഞു.

IPL 2021 Auction: Good marketing stunt from Glenn Maxwell - Gambhir on Australia star

ഇത്തവണത്തെ താര ലേലത്തില്‍ പഞ്ചാബ് കിംഗ്സ് റിലീസ് ചെയ്ത മാക്സ്വെല്ലിനെ 14.25 കോടി രൂപയ്ക്കാണ് ആര്‍.സി.ബി സ്വന്തമാക്കിയത്. നിലവില്‍ ഓസ്ട്രേലിയന്‍ ടീമിനൊപ്പം ന്യൂസിലാന്‍ഡ് പര്യടനത്തിലാണ് മാക്സ്‌വെല്‍.