“അതിവേഗ ഫിഫ്റ്റിയടിച്ചിട്ടും ടീം വിജയിച്ചില്ലെങ്കിലോ?” കൊല്‍ക്കത്തയ്‌ക്കെതിരായ മത്സരത്തില്‍ രാജസ്ഥാനെ വിജയതീരത്തണച്ച ശേഷം നായകന്‍ സഞ്ജു സാംസണ്‍ പറഞ്ഞതാണിത്. പതിവില്‍ നിന്നും വിപരീതമായി തീര്‍ത്തും ശാന്തമായ ഇന്നിംഗ്‌സാണ് കൊല്‍ക്കത്തയ്‌ക്കെതിരെ സഞ്ജു പുറത്തെടുത്തത്. 41 പന്തില്‍ രണ്ടു ഫോറും ഒരു സിക്‌സും മാത്രം സഹിതം 42 റണ്‍സ്.
എന്താണ് പതിവ് തെറ്റിച്ച് ഇങ്ങനൊരു പ്രകടനം എന്ന ചോദ്യത്തിന് സഞ്ജു തന്നെ ഉത്തരം പറഞ്ഞു. “ഇത്തമൊരു ബാറ്റിംഗായിരുന്നു മല്‍സരത്തില്‍ സാഹചര്യം എന്നോടു ആവശ്യപ്പെട്ടത്. കഴിഞ്ഞ കുറച്ചു വര്‍ഷങ്ങളായി ഞാന്‍ പഠിച്ചിട്ടുള്ള കാര്യം കൂടിയാണിത്. നിങ്ങള്‍ അതിവേഗ ഫിഫ്റ്റിയടിച്ചിട്ടും ടീം വിജയിച്ചില്ലെങ്കില്‍ അതു വളരെ നിരാശയുണ്ടാക്കും.”
“കഴിഞ്ഞ നാല് അഞ്ച് മല്‍സരങ്ങളായി ഞങ്ങളുടെ ബോളര്‍മാര്‍ മികച്ച പ്രകടനമാണ് നടത്തിക്കൊണ്ടിരിക്കുന്നത്. ബോളിംഗില്‍ എനിക്കു ഒരുപാട് ഓപ്ഷനുകളുണ്ട്. ടീമിനെ നയിക്കുന്നത് ഞാന്‍ ശരിക്കും ആസ്വദിക്കുന്നു” സഞ്ജു പറഞ്ഞു.
Read more
സീസണിലെ ആദ്യ മത്സരത്തില്‍ തകര്‍പ്പന്‍ സെഞ്ച്വറിയുമായി തിളങ്ങിയെങ്കിലും തുടര്‍ന്നുള്ള മത്സരങ്ങളില്‍ നിറം മങ്ങിയ സഞ്ജു കടുത്ത വിമര്‍ശനമാണ് നേരിട്ടത്. ഈ വിമര്‍ശനങ്ങല്‍ക്കുള്ള സഞ്ജുവിന്റെ മറുപടിയാണ് കൊല്‍ക്കത്തയ്‌ക്കെതിരെയുള്ള പ്രകടനം.
